Wakutaula 4:8 - Tonga Bible 1986

⁸ munthu yo walivi nanga njumoza, kaya mwana munthurumi pamwenga mbali, kweni uli kulivi umari ku suzgu yake yose, ndipo maso ghake kuti ghaguta ndi usambasi cha, viyo kuti watijifumba cha kuti, “Kumbi ine ndisuzgikiya yani pakujikanizga ku malikondwa?” Ichi nacho so nchawaka ndipo ndi nchitu yambura kukondweska.

Wakutaula 4:8 Referans Kwoze

1 Yohane 2:16

Pakuti chose chamu charu nchilakalaka cha nyama, ndi chilakalaka cha maso, ndi chitumbwa cho cha umoyo, kuti nchakutuliya ku Dada cha, kweni nchaku charu cho.

Nthanthi 27:20

Muunda ndi pharghaniku kuti viguta cha, ndipo cho chireka kuguta ndi maso gha munthu.

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

Wakutaula 1:8

Vinthu vyose vivukiska; munthu kuti wangaziŵa kukonkhoska cha; jiso kuti liguta mu kulereska cha, nanga ndi gutu kuguta mu kuvwa.

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Wakutaula 1:13

Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Yesaya 5:8

Owe kwaku wo ŵalungizgana nyumba ku nyumba, wo ŵasazga munda ku munda, mpaka penipo malo ghalivi kujapo, ndipo mwachitika kuja paku mwija mukati mu charu cho.

Wakutaula 5:10

Yo watanja ndrama kuti wakagutiskikanga ndi ndrama cha; nanga ndiyo watanja usambasi ndi chanduwu, ichi nachu so nchawaka.

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Chiyambo 2:18

Ndipo Ambuya Chiuta wanguti, “Kuti nkhwamampha cha kuti munthu yo waje yija; ndikamuchitiyanga wakumovya, wakulingana nayo.”

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Wakutaula 2:23

Pakuti mazuŵa ghake ghose ghazaza ndi urwirwi, ndipo nchitu yake ndi vitima; nanga mbusiku mtima wake kuti upumuwa cha. Ichi nachu so nchawaka.

Wakutaula 2:21

chifukwa panyake munthu yo wachita nchitu mu vinjeru ndi kuwamo ndi ung'ombwa watenere kusiya vyose mwakuti munthu yo walivi kusuzgikiyapo ndiyo wakondwenge navyo. Ichi nachu so nchawaka ndipo mbuheni ukuru.

Wakutaula 4:7

Ndipo so ndinguwona chawaka panu pasi:

Sumu 39:7

“Na sono, Ambuya ndilindanji? Chigomezgu changu che mwaku imwe.

Wakutaula 5:9

Kweni mwaku vyose, charu ndi munda wakulimika nchanduwu cha karonga.