Wakutaula 4:1 - Tonga Bible 1986

¹ Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Wakutaula 4:1 Referans Kwoze

Wakutaula 3:16

Ndipo so ndinguwona panu pasi kuti mu malo gha cheruzgu uheni wenga mwenimuwa, ndi mu malo gha urunji, namu so ukazuzi wenga mwenimuwa.

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Mateyu 26:56

Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Chitenje 1:2

Uliya kwakuŵala ndi usiku, masozi pa matama ghake. Mu ŵakwanjiwa ŵake wose palivi nanga njumoza, waku wusangaruska; mabwezi ghake ghose ghaŵa ghakumutinkha, ghasanduka ŵamawongo ŵake.

Yesaya 51:23

ndipo ndikachiŵikanga mu janja la ŵakumusuzgani, wo ŵarongoro kwaku imwe, kuti, ‘Gwadani pasi kuti tikeko’, ndipo imwe mwachita msana winu nge mphasi, ndi uli ndi museu wakukamo.”

Sumu 42:9

Ndinena kwaku Chiuta, jarawi langu! “Mwandiruwiyanji ine? Chifukwa chine nditenda ndichitenje pa kuzitiskika ndi murwani?”

Sumu 42:3

Masozi ghangu ghandiŵiya kurgha msana ndi usiku, penipo ŵanthu ŵakamba nane kwambura kurekezga, “Wepani Chiuta wako?”

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Jobu 35:9

“Chifukwa cha unandi wa vyakuzitiska ŵanthu ŵariya; wadana kuti ŵawovyeke chifukwa cha janja la wanthazi.

Yesaya 59:7

Marundi ghawo ghachimbiriya ku uheni, ndipo watinthimikiya kukudira ndopa; maghanughanu ghawo ndi maghanughanu gha mphurupuru, uyiku ndi phasulu vye mu ŵagurwi ŵawo.

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

Malaki 2:13

Muzumbwiska jochero la Ambuya ndi masozi, ndi kuliya ndi kutamantha, chifukwa iyo kuti weche so kuphwere cha mpasku pamwenga kuuronde ku manja ghinu ndi ulemu.

Wakutaula 7:7

Nadidi suzgu yipusiska wazeru; ndipo chimbundi chitanangiska mtima.

Nthanthi 28:3

Munthu mukavu mweniyo wayuzga ŵakavu ŵanyake, ndi vuwa ya kupuma yeniyo kuti yisiya kurgha cha.

Sumu 142:4

Ndilereskauku ndi uku ndiwona kuti kulivi nanga njumoza wakundovya; kulivi nanga njumoza wakundivikiriya; kulivi nanga njumoza wakundiphwere.

Sumu 80:5

Mwatirghiska chiŵande cha masozi, chandi chikuru chakuzaza masozi mwatimweska.

Sumu 69:20

Kusunjizgika kwaswa mtima wangu, ndaguluruka nthazi. Ndingugomezga kuti ndiwonenge ŵalisungu, kweni kwengavi nanga njumoza; ndalereze ŵakusangaruska, kweni kuti ndaŵasaniya cha.

Jobu 16:4

Ine nani ndingaziŵa kukamba nge ndiwe, asani wenga mu malo ghangu, ndatinge ndikambenge mazu ghanandi ghakumikana ndi iwe, ndi kupukung'a mutu paku iwe.

Jobu 6:29

Ng'anamukani, ndimurombani, kwananga kungachitikanga cha. Ng'anamukani sono pakuti kujivikiriya kwangu kwe pa mlando uwo.

Ŵeruzgi 4:3

Sono ŵaYisraele ŵangubongole ku Ambuya kupempha chovyo; pakuti Sisera wenga ndi magareta gha chisulo machumi pe chumi ghankhonde ndi ghanayi (900) wanguyuzga ŵaYisraele ndi nkhaza kwa virimika machumi ghaŵi.

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Chituwa 1:22

Sono Farao wangulanguliya mtundu wake, “Mwana yose munthurumi wakupapika ku ŵaHebere mumutaye mu msinji Nile, kweni mwana munthukazi yose mumureke wamoyo.”

Chituwa 1:16

“Asani mupapizga ŵanthukazi ŵaHebere ndipo mutiŵawona pa mpando wakuchiriyapo, asani ndi mwana munthukazi mumureke wamoyo.”

Nthanthi 19:7

Ŵana ŵanyake wose ŵa mukavu ŵatimutinkha; katazi mabwezi ghake ndigho gharuska kumunthaŵa, wati ŵandondoloska ndi mazu kweni kuti watuŵa nagho cha.

Wakutaula 8:9

Chose ichi ndinguchisanda po mtima wangu wapenjanga mwaku vyose vyo vichitika panu pasi, penipo munthu wapweteka munthu munyake pakumuwusa.

Yeremiya 16:7

Palivi yumoza wakamupaskanga wakutenje chiŵande, kumusangaruska chifukwa cha wakufwa; chingana nkhuti pakaŵanga nanga njumoza cha wakumupaska chandi cha chisangarusku kumwa chifukwa cha wiske pamwenga nyina.

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Jobu 9:24

Charu chapasi chapereka mu janjala ŵaheni, wajara maso gha ŵeruzgi ŵake; asani kuti ndiyo cha, ndiyani nanga?

Sumu 69:21

Po ndenga wanja, ŵangundiliska nduru, po ndenga wanyota, ŵangundimweska vinyo wakuŵaŵa.

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

Nthanthi 29:2

Penipo ŵarunji ŵemu mtufu, ŵanthu ŵakondwere; kweni asani ŵamphulupulu ŵateruzga ŵanthu ŵatamantha.

Chitenje 1:17

Zioni watambaluwa manja ghake, kweni palivi nanga njumoza wakumusangaruska; Ambuya alanguriya paku Yakobe, kuti ŵakuzengezgana nayo ŵaŵe ŵarwani ŵake; Yerusalemu wasanduka chinthu cha ukazuzi mukati mwawo.

Amosi 3:9

Wandiskani mu malinga mu Asiriya ndi mu malinga mu charu cha Egipiti, kuti, “Unganani pa mapiri gha Samaria, ndi muwone vivurupi vikuru mukati mwake, ndi visuzgu mukati mwake.”

Amosi 3:10

“Kuti ŵaziŵa cha kuchita urunji,” atiti Ambuya, “wo ŵalonga vivurupi ndi kuphanga mu malinga ghawo.”