Wakutaula 3:22 - Tonga Bible 1986

²² Mu chifukwa ichi ndinguwona kuti kulivi kamampha kwakuruska kuti munthu wakondweriyenge nchitu yake, pakuti lenilo ndilo phande lake; ndiyani yo wakamutoriyanga kukuwona vyo vituza pavuli pake?

Wakutaula 3:22 Referans Kwoze

Wakutaula 2:24

Kulivi chamampha chakumwenere munthu kwakuruska kuti warghe ndi kumwa ndi kusaniya likondwa mu nchitu yake. Ichi nacho ndinguchiwona, nchakutuliya ku janja laku Chiuta;

Wakutaula 10:14

Wakupusa watandaniska mazu, nanga munthu kuti waziŵa cha cho chikaŵangako, ndipo ndiyani yo wangaziŵa kumunene cho chikaŵangako pavuli paku iyo?

Wakutaula 8:7

Chifukwa kuti waziŵa cha cho chikaŵangako, pakuti ndiyani yo wangaziŵa kumunene mo chikaŵiyanga?

Wakutaula 6:12

Chifukwa ndiyani waziŵa cho nchamampha ku munthu penipo waja mazuŵa ghamanavi gha umoyo wake wa ŵaka, wo wati wujumpha nge ndi mduzi? Pakuti ndiyani yo wangamunene munthu cho chikaŵangako pavuli pake panu pasi.

Wakutaula 11:9

Kondwanga, muyamata, mu unyamata wako ndipo mtima wako ukondwenge mu mazuŵa gha unyamata wako; yendanga mu nthowa za mtima wako ndimu kuwona kwa maso ghako. Kweni ziŵa kuti Chiuta wakutoriyenge ku cheruzgu mwaku vyose ivi.

Mateyu 6:34

“Viyo mungakweŵekiyanga la mawa cha: chifukwa la mawa lijikweŵekiyenge lija. Ngwakukwaniya zuŵa lo uheni wake.

Danyele 12:13

Kweni iwe rutanga mpaka umari; ndipo upumuwenge ndi ukamanga mu malo gho ghakupaskika kwaku iwe pa umari wa mazuŵa.”

Wakutaula 9:12

Pakuti munthu kuti waziŵa nyengo yake cha. Ulaka nge ndi somba zo zakoreka mu chirepa chiheni, ndipo nge nthuyuni to twawira muchiŵana, viyo ŵana ŵa ŵanthu ŵakuwiya mu nyengo yiheni, po yituŵawiya kwa mabuchibuchi.

Wakutaula 8:15

Ndipo ndingurumba kukondwa, pakuti munthu walivi kamampha panu pasi kweni kurgha ndi kumwa, ndi kujikondweska mweneko, pakuti ichi chikaŵanga nayo mu nchitu yake mazuŵa ghose gha umoyo wake gho Chiuta watumpaska panu pasi.

Jobu 14:21

Ŵana ŵake ŵatuza ku ulemu kweni iyo kuti waziŵa cha, ŵasiskikiya pasi, kweni iyo kuti watichiwona cha.

Marangu 28:47

“Chifukwa cha unandi wa vinthu vyo mwenga navyo, mwengavi kuŵateŵete Ambuya Chiuta winu ndi chimwemwe ndi likondwa la mu mtima;

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Wakutaula 2:18

Ndingutinkha milimu yangu yose yo ndingusuzgika nayo panu pasi, pakuwona kuti nditenere kuyisiliya kwaku mweniyo wakazanga pavuli pangu;

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Wakutaula 9:6

Chanju chawo, tinkhu lawo, ndi sanji yawo vyamara kale, ndipo kuti ŵendi phande so cha muyaya mwaku vyose vyo vichitika mu charu chapasi.