Wakutaula 3:2 - Tonga Bible 1986

² nyengo yakupapikiya, ndi nyengo yakufwiya; nyengo yakupandiya, ndi nyengo yakuzuliya cho chingupandika;

Wakutaula 3:2 Referans Kwoze

ŴaHebere 9:27

Ndipo uli ndimo kutemeke ŵanthu kufwa kamoza, kweni pavuli pake kweruzgika,

Jobu 14:5

Pakuti mazuŵa ghake ngakugota, ndi unandi wa mazuŵa ghake we ndi imwe ndipo ndimwe mwamika chigoti chake kuti wareke kujumpha,

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

Luka 1:20

Ndipo awona, uŵenge wachisisi ndi wambura nthazi kurongoro, mpaka zuŵa lo vinthu vyenivyo vikaŵangapo, chifukwa kuti wavwana cha ndi mazu ghaku ine, ghenigho ghafiskikenge mu nyengo yake.”

Mateyu 15:13

Kweni, wakwamuka, wanguti, “Chakupandika chose cho ŵengavi kupanda Ada wakuchanya, chizuwikenge.

Yohane 16:21

Munthukazi wachipapa we ndi chisungu, pakuti laza ora lake; kweni watakuti wapapa mwana, kuti wakumbuka so cha suzgu yake, chifukwa cha chimwemwe chakuti munthu wapapikiya mu charu.

Yesaya 38:1

Mu mazuŵa ghenigha Hezekiya wangutama ndipo wenga pafupi kufwa. Ndipo Yesaya mchimi mwana waku Amozi wanguza kwaku iyo, wanguti, “Viyo atiti Ambuya: Nozga umampha nyumba yako; pakuti ukafwanga, kuti ukachiranga cha.”

Jobu 7:1

“Kumbi munthu walive mlimu unonono pa charu? Kumbi mazuŵa ghake kuti ghayanacha ndi mazuŵa gha wanchitu wake?

Machitidu gha Ŵakutumika 7:20

Mu nyengo yeniyo wanguwiya Mosese yo wenga wakutowa ukongwa; myezi yitatu wangulereka mu nyumba ya awiske;

Machitidu gha Ŵakutumika 7:17

“Kweni pa kuŵandika kwa nyengo yo ya phanganu lo Chiuta wangupangana ndi Abrahamu, khamu lo lingukuwa ndi langwandana mu Egipiti,

Yohane 7:30

Viyo ŵalembanga kumko: ndikweni kwengavi yumoza wanguŵikapo pake janja, pakuti ora lake lenga lindaze.

Luka 1:36

Ndipo awona, Elizabeti, mchikazi-unyako, nayo so wazuuka mwana munthurumi mu ukhongwe wake: ndipo uwu ndi mwezi wachinkhonde ndi chimoza kwaku yo wakudanika chumba.

Luka 1:13

Kweni mungelo yo wanguti kwaku iyo, “Ungopanga, Zekariya, chifukwa likuvwika niniziku lako, ndipo muwoli wako Elizabeti wakupapiyenge mwana munthurumi, ndipo udanenge zina lake Yohane.

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

Yeremiya 45:4

Ukakambe kwaku iyo, Viyo atiti Ambuya: Ehe, chenicho ndazenga ndibwanganduliya pasi, ndipo chenicho ndapanda ndipawuwa, charu chose ichi.

Yeremiya 1:10

Wona ndakumika iwe msana wale pa mitundu ndi pa maufumu, kupontho ndi kuswiya pasi, kubwanganduwa ndi kuthereska, kuzenga ndi kupanda.”

Yesaya 54:1

“Mbanga, wa chumba we, iwe wengavi kupapa; bangulanga pakumba ndipo bongonga ukongwa, imwe mulivi kuvwa urwirwi wakupapa! Pakuti ŵana ŵa chumba mbanandi kuruska ŵana ŵaku yo ngwakuŵirwa, atiti Ambuya.

Yesaya 38:5

“Ruta, ukanene kwaku Hezekiya, Viyo atiti Ambuya, Chiuta waku Davidi ausu: Ndavwa rombu lako, ndawona masozi ghako; ehe, ndikasazgiyangako ku umoyo wako virimika chumi ndi vinkhonde.

Sumu 113:9

Atumbika munthukazi chumba mu nyumba yake; atimukondweska pa kumpaska ŵana. Rumbani Ambuya!

Sumu 52:5

Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

Jobu 14:14

Asani munthu wafwa, kumbi wakaŵanga so wamoyo? Mphanyi ndarindizga mazuŵa ghose gha uteŵeti wangu, mpaka kuzi kufwatulika kwangu.

2 ŴaKaronga 4:16

Ndipo wanguti, “Pa nyengo nge ndi yeniyino, asani yakapo nyengo, ukakorezenga mwana munthurumi.” Iyo wanguti, “Ŵa munthu waku Chiuta we, reka kukamba utesi ku mteŵeti wako munthukazi.”

1 ŴaKaronga 13:2

Ndipo munthu yo wangubongo kususka chiguŵa cha sembe ndi mazu gha Ambuya, wanguti, “Wachiguŵa, chiguŵa, we, viyo atiti Ambuya, ‘Ehe, mwana wakapapikanga ku nyumba yaku Davidi, zina lake Josiya; ndipo wakaperekanga sembe paku iwe ya ŵazukuru ŵamalo gha pachanya ŵeniwo ŵatocha vya chema paku iwe, ndipo viwanga vya ŵanthu vikawochekanga paku iwe.’ ”

1 Samuele 2:5

Wo ŵenga ŵakuguta ndiwo ŵajilembela kulimiskiya kurgha, kweni wo ŵenga ŵania ndiwo mba mgutu. Chumba chapapa ŵana ŵankhonde ndi ŵaŵi, kweni yo wanguŵa ndi ŵana ŵanandi waja mphuru urungwa.

Marangu 34:5

Viyo Mosese mteŵeti wa Ambuya wangufwiya penipa mu charu chaku Moabu, kwakuyana ndi mazu gha Ambuya,

Chiyambo 47:29

Ndipo penipo yinguŵandika nyengo yakufwiya Yisraele wangudana mwana wake Yosefe ndipo wanguti kwaku iyo, “Asani sono ndasaniya wezi mu maso ghako, uŵike janja lako kusi ku chigha changu, ndi upangane kundichitiya kwa ulemu ndi kwauneneska. Ungandiŵika ine mu Egipiti cha,

Chiyambo 17:21

Kweni nkhakhozganga phanganu langu ndi Yisaki mweniyo Sara wakakupapiyanga pa nyengo nge ndi yino chirimika cha mawa.”

Nthanthi 24:27

Rongosole kubwalo nchitu yako ujirongosole vyose vyaku muunda, ndipo pavuli pake uzenge nyumba yako.

Yesaya 28:24

Kumbi yo walimiya kuti wapande walima kwakurutiriya? Kumbi wagaluwa ndi kukong'ontha kwakurutiriya?