Wakutaula 3:19 - Tonga Bible 1986

¹⁹ Pakuti cho chiwiya ŵana ŵa ŵanthu ndi cho chiwiya nyama nchimoza; nge ndimo chimoza chifwiya ndimo chinyake nacho chifwiya. Vyose vyendi mvuchi umoza, ndipo munthu kuti waruskako ku vinyama cha; pakuti vyose vyawaka.

Wakutaula 3:19 Referans Kwoze

Sumu 49:12

Munthu kuti wajaririya mukuzirwa kwake cha, wayana ndi nyama zo zitufwa.

Sumu 49:20

Munthu kuti wajaririya mu kuzirwa kwake cha, wayana ndi nyama zo zitufwa.

Wakutaula 2:16

Pakuti wazeru kuti wakumbukika nyengo zose kuruska wakupusa cha pakuwona kuti mu mazuŵa gha ghatuza wose ŵakaluwikanga. Kumbi wa vinjeru watufwa uli nge ngwakupusa?

Wakutaula 2:14

Maso gha munthu wa vinjeru ghe mu mutu wake, kweni wakupusa watenda mu mdima, ndipuuli ndingupanikizga kuti chinthu chimoza chituziya kwaku wo wose.

Sumu 104:29

Asani mwabisa chisku chinu, vichita mantha; ndipo asani mwatuzgako mvuchi winu, vitufwa; ndi kuwere ku dongo ko vingutuliya.

2 Samuele 14:14

Tose tikafwanga te nge ndi maji ghakudikiya pasi, gho kuti ghangayoreka so cha; kweni Chiuta kuti wakatuzgangako cha umoyo wa munthu yo wapenja nthowa yakuti wakudikika wake wareke kudikikiya limu.

Maŵerengedu 16:29

Asani ŵanthu yaŵa ŵakafwanga mo ŵafwiya ŵanthu wose, pamwenga kuŵawiya cho chiwiya ŵanthu wose, iku Ambuya alivi kundituma,

Wakutaula 7:2

Nkjwamampha kuruta ku nuumba ya maliro kwakuruska kuruta ku nyumba ya madghera; pakuti uwu mbumari wa ŵanthu wose, ndipo ŵamoyo ŵakachiŵikanga pa mtima.

Wakutaula 9:2

Pakuti chinthu chimoza chifikiya paku wose, ku murunji ndi muheni, wamampha ndi wawuyu, ku wakuphotoka ndi wambura kuphotoka, kwaku yo wapereka sembe ndi yo wareka kupereka sembe. Nge ndimo waliri munthu wamampha, ndimo waliri wakwananga; ndipo wakurapa rapu wayana ndi yo watopa rapu.

Wakutaula 9:12

Pakuti munthu kuti waziŵa nyengo yake cha. Ulaka nge ndi somba zo zakoreka mu chirepa chiheni, ndipo nge nthuyuni to twawira muchiŵana, viyo ŵana ŵa ŵanthu ŵakuwiya mu nyengo yiheni, po yituŵawiya kwa mabuchibuchi.

Sumu 49:13

Iyi ndi nthowa yaku wo ŵendi chigomezgu chakupusa, nchigoti chaku wo ŵatijikondweska ndichigaŵa chawo.

Wakutaula 1:14

Ndawona chinthu chose cho chachitika panu pasi, ndipo ehe, chose nchawaka ndi suzgu ya mtima.

Wakutaula 1:17

Ndipo ndingupereka mtima kuziŵa vinjeru, ndi kuziŵa kufuntha ndi uzereza. Ine ndikupanikizga kuti ichi nachu so ndi suzgu ya mtima.