Wakutaula 3:11 - Tonga Bible 1986

¹¹ Wachita vinthu vyose kuŵa vyakutowa mu nyengo yake; waŵika so umuyaya mu mtima wa munthu kweni ndipuuli palivi yo waziŵiska cho Chiuta wachita kutuliya ku kwamba mpaka ku umari.

Wakutaula 3:11 Referans Kwoze

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

Jobu 11:7

“Kumbi mungavisaniya vinthu vyapandimba vyaku Chiuta? Kumbi ungasaniya chigoti chaku Wanthazizose?

Wakutaula 8:17

penipo ndinguwona nchitu zose zaku Chiuta munthu kuti wangasaniya nchitu yo yichitika panu pasi cha. Nanga wangafukafuka uli mu kupenja-penja kuti wangayisaniya cha; manyi chingana ngwazeru yo watiti waziŵa, kweni kuti wangayisaniya cha.

Jobu 5:9

Mweniyo wachita vinthu vikuru, ndi vyambura kulondoreka, vinthu vyakuziziswa vyambura kuŵerengeka.

Chiyambo 1:31

Ndipo Chiuta wanguwona chose cho wanguchita, ndipo chenga chamampha ukongwa. Ndipo kwenga mazulo, ndi kwenga mlenji, zuŵa la chinkhonde ndi chimoza.

Marko 7:37

Ndipo ŵazizwanga ukongwa limu ŵatinge, “Vyose wachita urusu; ŵamgota wati ŵasanduska ŵakuvwa, ndipo ŵambuwu ŵarongoro.”

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Wakutaula 7:29

Awonani, ichi chija ndicho ndasaniya, kuti Chiuta wangumulenga munthu wakunyoroka, kweni iwo ndiwo ŵapenjapenja nthowa zinandi.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Mateyu 13:22

Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Jobu 37:23

Wanthazizose kuti tingaziŵa kumusaniya cha; ndi mukuru mu nthazi ndi mu cheruzgu, ndi uzali wa urunji kuti wakasuskanga cha.

Nthanthi 16:4

Ambuya ŵakuchita vinthu vyose ndikafukwa kake, chingana ngwa mphulupulu chifukwa cha zuŵa la suzgu.

Wakutaula 1:13

Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Wakutaula 7:13

Ghanaghana nchitu yaku Chiuta; ndiyani wangaziŵa kunyoroska chenicho iyo wabendezga?

Wakutaula 7:23

Vyose ivi ndavipima ndi vinjeru; ndinguti, “Nkhaŵanga wa vinjeru,” kweni kwenga kutali ndi ine.

Wakutaula 11:5

Nge ndimo ureke kuziŵiya mzimu uchiza muviwanga mukati mu nthumbo ya munthukazi wakuŵa ndi mwana, ndimo ureke kuziŵiya nchitu zaku Chiuta yo wachita vinthu vyose.