Wakutaula 2:6 - Tonga Bible 1986

⁶ Ndingujichitiya viziŵi vya maji ghakudiriya lisuwa la miti yakume.

Wakutaula 2:6 Referans Kwoze

Nehemiya 2:14

Pavuli ndingulutiriya ku likomo la Chisima ndi ku Thaŵali la karonga; kweni kuwa kwengavi malo ghakuprortako chinyama cho ndingukwerapo ine.

Yeremiya 17:8

Wakozgana ndi muti wakupandika pafupi ndi maji, weniwo utambaruliya misisi yake ku maji, ndipo kuti utopa cha chichiza chifundizi, pakuti mani ghake ghajaririya uŵisi, ndipo kuti usuzgika cha mu charu cha chilala pakuti kuti ureka cha kupasa vipasi.”

Sumu ya Zisumu 7:4

Khosi lako likozgana ndi chitanthali cha munyanga wa njovu. Maso ghako ndi visima mu Heshiboni, pafupi ndi chipata cha Batarabimi. Mphunu yako yikozgana ndi chitanthali cha Lebanoni, yo walereska pa Damasko

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Nehemiya 2:8

ndi kalata kwaku Asafi msungi wa lusuwa la miti la karonga kuti wakandipaske miti yakuchitiya mphanjizgu za malikomo gha linga la kasopi ndi za nyumba yo ndamujamo.” Ndipo karonga wangundipaska vyenivyo ndingupempha pakuti janja lawezi laku Chiuta wangu lenga paku ine.

Nehemiya 3:15

Ndipo Shalumu mwana waku Koloheze mweruzgi wa charu cha Mizpa, wangulongoso Likomo la Chisima; wangulizenga ndi kuŵikapo bagha ndi wanguŵikamo visasa vyake, mpilingizgu, ŵakabali ŵake, ndi mphanjizgu zake ndi wanguzenga linga la chiziŵa cha Shela chamu munda wa karonga, kwachifika kumakwerero ghakusikiyapo pakutuwa ku msumba waku Davidi.

Nehemiya 3:16

Wakundondoloska iyo ndi Nehemiya mwana waku Azibuku mweruzgi wa chigaŵa chimoza charwandi cha Betizuru wangulongoso kwachifika pa malo ghakuthyana ndi miunda yaku Davidi kufika pa chiziŵa chakuchita kukumba, ndi ku nyumba ya ŵanthu ŵakulimba.