Mwa wezi waku Chiuta wo ungupaskika kwaku ine, nge ndi mzengi mura wazeru ndinguŵika chiŵanja; ndipo munyake wazengapo. Kweni munthu yose walereske mo wazengiyapo.
Kondwanga ndi umoyo pamoza ndi muwoli wako yo utanja, mazuŵa ghose, gha umoyo wako wawaka wo wakupaska pa charu, pakuti lenilo ndilo phande lemu umoyo ndi mu nchitu yako yo usuzgika nayo panu pasi.
Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.
Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.
Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.
Sono ndingupima vyose vyo manja ghangu ghanguchita ndi nchitu zo ndingusuzghika nazo kuchita, ndipo ehe, chose chenga chawaka ndi suzgu ya mtima, ndipo kwengavi chanduwu pa charu chapasi.
chifukwa panyake munthu yo wachita nchitu mu vinjeru ndi kuwamo ndi ung'ombwa watenere kusiya vyose mwakuti munthu yo walivi kusuzgikiyapo ndiyo wakondwenge navyo. Ichi nachu so nchawaka ndipo mbuheni ukuru.