Wakutaula 2:10 - Tonga Bible 1986

¹⁰ Ndipo cho chose maso ghangu ghangukhumba kuti ndingughajara cha; ndengavi kukanizga mtima wangu ku likondwa le lose pakuti mtima wangu ungusaniya likondwa mu nchitu zangu zose, ndipo iyi yenga mphoto ya mukutakataka kwangu kose.

Wakutaula 2:10 Referans Kwoze

Wakutaula 9:9

Kondwanga ndi umoyo pamoza ndi muwoli wako yo utanja, mazuŵa ghose, gha umoyo wako wawaka wo wakupaska pa charu, pakuti lenilo ndilo phande lemu umoyo ndi mu nchitu yako yo usuzgika nayo panu pasi.

Wakutaula 5:18

Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.

Wakutaula 3:22

Mu chifukwa ichi ndinguwona kuti kulivi kamampha kwakuruska kuti munthu wakondweriyenge nchitu yake, pakuti lenilo ndilo phande lake; ndiyani yo wakamutoriyanga kukuwona vyo vituza pavuli pake?

Sumu 119:37

Wezgani maso ghangu ku kulereska vyo vyambura chanduwu; ndipaskeni umoyo mu nthowa zinu.

Sumu 128:2

Mukarghanga vipasi vya nchitu ya manja ghinu; kukamuŵiyaninga umampha, ndipo mukakondwanga.

1 Yohane 2:16

Pakuti chose chamu charu nchilakalaka cha nyama, ndi chilakalaka cha maso, ndi chitumbwa cho cha umoyo, kuti nchakutuliya ku Dada cha, kweni nchaku charu cho.

Wakutaula 2:22

Kembi munthu wendi kane pa nchitu zose ndi visuzgu vyake mwaku vyenivyo wasuzgika navyo panu pasi?

Wakutaula 11:9

Kondwanga, muyamata, mu unyamata wako ndipo mtima wako ukondwenge mu mazuŵa gha unyamata wako; yendanga mu nthowa za mtima wako ndimu kuwona kwa maso ghako. Kweni ziŵa kuti Chiuta wakutoriyenge ku cheruzgu mwaku vyose ivi.

Wakutaula 6:9

Nkhwamampha kulereska ndi maso kwakuruska kuyingayinga kwa linweka, ichi nachu so nchawaka ndi suzgu ya mtima.

Nthanthi 23:5

Maso ghako ghachilereska paku cho, mbwenu charuta, pakuti ruŵiruŵi chitijitole mapapa, kuphululuka uli ndi nombo kulata kuchanya.

Jobu 31:1

“Ndachita phanganu ndi maso ghangu, ndingalereska uli nanga pa mwali?

Ŵeruzgi 14:2

Sono iyo wanguza wanguŵanene awiske ndi anyina, “Ndinguwona yumoza wa ŵana ŵanthukazi ŵa ŵaFilisti pa Timina, nditoliyeni kuti waŵi muwoli wangu.”

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Wakutaula 5:10

Yo watanja ndrama kuti wakagutiskikanga ndi ndrama cha; nanga ndiyo watanja usambasi ndi chanduwu, ichi nachu so nchawaka.

Wakutaula 6:2

Munthuyo Chiuta watimupaska usambasi, vyuma, ndi ulemu, mwakuti, kuti wakavuka kanthu cha paku vyose vyo wakhumba, kweni ndipuuli Chiuta kuti watimpaska nthazi yakukondwe navyo cha, kweni mlendo ndiyo wakondwa navyo; nchawaka ichi; ichi nchironda chakupweteka.

Wakutaula 9:6

Chanju chawo, tinkhu lawo, ndi sanji yawo vyamara kale, ndipo kuti ŵendi phande so cha muyaya mwaku vyose vyo vichitika mu charu chapasi.

Wakutaula 2:1

Ndingurongoro mu mtima wangu, “Zanga sono, ndikwesenge ndi likondwa; kondwanga wamweni.” Kweni ehe, ichi nachu so chenga chawaka.

Wakutaula 2:24

Kulivi chamampha chakumwenere munthu kwakuruska kuti warghe ndi kumwa ndi kusaniya likondwa mu nchitu yake. Ichi nacho ndinguchiwona, nchakutuliya ku janja laku Chiuta;

Wakutaula 5:17

ndi kumara mazuŵa ghake ghose mu mdima ndi chitima, mu visuzgu vinandi ndi matenda ndi kukweŵeskeka?

Wakutaula 8:15

Ndipo ndingurumba kukondwa, pakuti munthu walivi kamampha panu pasi kweni kurgha ndi kumwa, ndi kujikondweska mweneko, pakuti ichi chikaŵanga nayo mu nchitu yake mazuŵa ghose gha umoyo wake gho Chiuta watumpaska panu pasi.