Wakutaula 2:1 - Tonga Bible 1986

¹ Ndingurongoro mu mtima wangu, “Zanga sono, ndikwesenge ndi likondwa; kondwanga wamweni.” Kweni ehe, ichi nachu so chenga chawaka.

Wakutaula 2:1 Referans Kwoze

Luka 12:19

Ndipo ndineniyenge mzimu wangu, Wamzimu, we navyo vyuma vinandi vyakuŵikikiya ku virimika vinandi; pumuwapo; irgha, imwa, kondwa.’

Wakutaula 8:15

Ndipo ndingurumba kukondwa, pakuti munthu walivi kamampha panu pasi kweni kurgha ndi kumwa, ndi kujikondweska mweneko, pakuti ichi chikaŵanga nayo mu nchitu yake mazuŵa ghose gha umoyo wake gho Chiuta watumpaska panu pasi.

Yakobe 5:5

Mwaja mu charu mu maulakalaka ndi mu malikondwa mwatutuvyiya mitima yinu uli nkhu zuŵa la chibaya.

Yakobe 5:1

Ekwe, aimwe, mwaŵasambasi, liriyani ndi kulalatiya pa mausokwa ghinu gho ghatuza.

Sumu 27:8

Imwe munguti, “Penjani chisku changu.” Mtima wangu kwaku imwe utiti, “Chisku chinu, Ambuya, ndichu ndipenja.”

Yakobe 4:13

Ekwe, aimwe, mwaŵakukamba, “Le pamwenga mawa tikenge ku muzi wakuti e, ndipo titandarenge kweniko chaka chimoza, tamgula ndi kusaska, ndi kwanduwa”;

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Luka 16:19

“Ndipo kwenga msambasi yumoza, yo wavwaranga vyakujeduka ndi bafuta wakuworofoka, wakukondwa zuŵa ndi zuŵa;

Yesaya 50:11

Ehe, imwe mose mwakukozga moto, imwe mukozga visindi! Yendani mu ukweru wa moto winu, mu visindi vyo mwakozga! Ichi ndichu mukalondiyanga ku janja langu: mukagonanga pasi mu urwirwi.

Yesaya 50:5

Ambuya Chiuta ajura gutu langu, ndipo kuti ndingugaruka cha, kuti ndingung'anamukiya kuvuli cha.

Wakutaula 11:9

Kondwanga, muyamata, mu unyamata wako ndipo mtima wako ukondwenge mu mazuŵa gha unyamata wako; yendanga mu nthowa za mtima wako ndimu kuwona kwa maso ghako. Kweni ziŵa kuti Chiuta wakutoriyenge ku cheruzgu mwaku vyose ivi.

Wakutaula 7:4

Mtima wa wazeru wemu nyumba ya maliro: kweni mtima wa wakupusa wemu nyumba yakuseka.

Wakutaula 2:15

Penipo ndingurongoro mu mtima wangu, “Chenicho chiwiya wakupusa chikawiyanga so ine; nanga chifukwa nchine ine ndaŵa wavinjeru ukongwa?” Ndipo ndingukamba mwaku ndamweni kuti ichi nachu so nchawaka.

Sumu 14:1

Wakupusa watiti mu mtima wake, “Kulivi Chiuta.” Makuvunda, ŵachita vya ukazuzi, kulivi wakuchita umampha.

Sumu 10:6

Watiti mu mtima wake, “Kuti ndisukuniskikenge cha; ku migonezi yose kuti ndikasaniyanga soka cha.”

2 ŴaKaronga 5:5

Ndipo karonga wa Siriya wanguti, “Wukenge sono, ndipo ndikatumanga karata ku karonga waku Yisraele.” Viyo wanguruta, wangupinga matalente chumi gha siliva, ndi mashekelo vikwi vinkhonde ndi chimoza vya golide, ndi vyakuvwara vya mtundu mtundu.

Chiyambo 11:7

Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Luka 16:23

Ndipo mu Hadesi wanguti wayinuska maso ghake, pakuŵa mu maurwirwi, wanguwona Abrahamu kutari, ndi Lazaro mu chipakatu chake.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Nthanthi 14:13

Chingana ngwakuseka mtima ngwa chitima, ndipo umari walikondwa nchisungu.

Wakutaula 2:10

Ndipo cho chose maso ghangu ghangukhumba kuti ndingughajara cha; ndengavi kukanizga mtima wangu ku likondwa le lose pakuti mtima wangu ungusaniya likondwa mu nchitu zangu zose, ndipo iyi yenga mphoto ya mukutakataka kwangu kose.

Wakutaula 2:25

pakuti pade paku Iyo ndiyani wangargha pamwenga ndiyani wangaŵa ndi likondwa?