Wakutaula 12:9 - Tonga Bible 1986

⁹ Pakuŵa wazeru, Wakutaula wangusambizga ŵanthu vinjeru, kupima ndi kusanda ndi kululika zinthazi zinandi kwa rwana likuru ukongwa.

Wakutaula 12:9 Referans Kwoze

1 ŴaKaronga 4:32

Wangukamba so zinthanthi vikwi vitatu (3,000); ndipo sumu zake zenga chikwi chimoza ndi zinkhonde (1,005).

Nthanthi 1:1

Nthanthi zaku Solomoni, mwana waku Davidi, karonga waku Yisraele:

Nthanthi 25:1

Izi nazo so ndi nthanthi zaku Solomoni zenizo ŵanthu ŵaku Hezekiya karonga waku Yuda ŵangutoko.

Nthanthi 10:1

Nthanthi zaku Solomoni. Mwana wazeru wakondwereska awiske, kweni mwana wakupusa nchitima ku anyina.

1 ŴaKaronga 10:8

Mbakukondwa ŵawoli ŵinu! Mbakukongwa ŵaŵanda ŵinu yaŵa, wo nyengu zose ŵatuma paurongo pinu kuvwa zeru yinu.

1 ŴaKaronga 5:12

Ndipo Ambuya angumpaska zeru Solomoni, nge ndimo angupangirana nayo, ndipo penga chimangu pakati paku Hiramu ndi Solomoni, ndipo yaŵa ŵaŵi ŵangulemberana chizomerezganu.

Danyele 12:3

Wo mbavinjeru ŵamuŵara nge nkhung'anima kwa mlengalenga; ndi wo ŵawezge ŵanandi ku urunji, nge ndi nyenyezi muyaya ndi muyaya.