Wakutaula 12:5 - Tonga Bible 1986

⁵ ŵatopa so cho nchapachanya, ndipo vyakofya vye mu nthowa; muti wa zobala uchita maluŵa, phanana waruta kwakuzendazenda ndipo linweka limara; chifukwa munthu waruta ku muzi wake wa muyaya, ndipo wakutenje watendatenda ŵaka mu ŵagurwi.

Wakutaula 12:5 Referans Kwoze

Jobu 17:13

Asani ndirindizga muunda kuŵa nyumba yangu, asani nditandika chita changu mu mdima,

Jobu 30:23

Inya ndiziŵa kuti mukanditoriyanga ku nyifwa, ndi ku nyumba yakumikikiya ŵamoyo wose.

Nthanthi 16:31

Mutu wa nyivu nchisoti chaunkhankhu; chandukiya mu umoyo wa urunji.

Sumu 71:18

Sono po nde khongwe, nyivu zeku mutu, rekani kundijowo, A Chiuta. Muŵenge nane po ndimemeza nthazi zinu ndimazaza ghinu, mpaka ku migonezi yo yituza.

Jobu 15:10

Ghose makhongwe gho ghe ndi nyivu ndi madoda ŵe mukati mwidu, ŵara ukongwa kuruska ausu.

ŴaLevi 19:32

“Muperekenge ulemu ku khongwe la nyivu, mutumbikenge ŵanthu ŵara, ndipo mopenge Chiuta winu, Ndine Ambuya.

ŴaHebere 9:27

Ndipo uli ndimo kutemeke ŵanthu kufwa kamoza, kweni pavuli pake kweruzgika,

Yeremiya 1:11

Ndipo mazu gha Ambuya ghanguza kwangu ghakuti, “Yeremiya, uwonanji?” Ine ndinguti, “Ndiwona nthonga ya alimondi.”

Yesaya 46:4

chingana ndi mu unkhongwi winu Ndine Iyo, ndi juŵanyivu ndikunyamuweninga. Ndalenga, ndipo ndikanyamuwanga; ndikanyamuwanga ndi ndikataskanga.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Nthanthi 20:29

Unkhankhu wa ŵanyamata ndi nthazi yawo, kweni kutowa kwa ŵanthu ŵakukota ndi nyivu zawo.

Chiyambo 44:31

wachiwona kuti mhurwa yo kuti we nafwe pamoza cha wamukufwa; ndipo ŵateŵeti ŵinu ŵamutole sisi la nyivu la mteŵeti winu uskefwe ndi chitima ku muunda.

Chiyambo 44:29

Asani mutumutuzgako uyu nayo so kwaku ine, ndipo urwani utumuwiya, mukasiskiyanga sisi langu la nyivu ku muunda mu chitima.’

Chiyambo 42:38

Kweni iyo wanguti, “Mwana wangu kuti mukarutanga nayo cha, pakuti muku wake wakufwa, ndipo wakujapo iyo pe. Asani urwani unga muwiya pa ulendo weniwo mukaŵanga nawo, mukatoliyanga sisi langu lanyivu ku muunda ndi chitima.”

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”