Wakutaula 12:2 - Tonga Bible 1986

² Vyenga vindafipiskike, lumwi ndi ukweru ndi mwezi ndi zinyenyezi ndi kuwere vuli kwa mitambo vuwa yati yamara;

Wakutaula 12:2 Referans Kwoze

Yesaya 5:30

Ŵakakoromanga paku yo mu zuŵa liya, uli nkhuuruma kwa nyanja. Asani yumoza walereskenge ku charu, awonani, mdima ndi suzgu; ndipo ukweru wafipiskika ndi mitambo yake.

1 Samuele 4:18

Penipo wanguzumbuwa bokosi la phanganu laku Chiuta, Eli wanguwa kagadama kutuwa pa mpando wake mu mphepete mwa likomo; khosi lake lingufyoka ndipo wangufwa, pakuti wenga munthu mura, ndi wambura nthazi. Wangweruzga ŵaYisraele virimika machumi ghanayi (40).

1 Samuele 4:15

Eli wenga wa virimika machumi ghankhonde ndi ghanayi pachanya vinkhonde ndi vitatu (98) maso ghake ghangutuwa, kuti walereskanga cha.

Sumu 77:16

Po maji ghangumuwonani, A Chiuta, ghanguchita mantha, zindimba za nyanja zingumbwambwanthiya.

Sumu 71:20

Imwe mwanditumiya suzgu ndi vyakupweteka, kweni mukandisisipuskanga so; kutuwa ku ndimba za charu chapasi; imwe mukandisoskiyanga so pachanya.

Sumu 42:7

Ndimba yidana ku ndimba pa kudiririska kwa vipopomo vinu; mayigha ghinu ghose ndi maŵiriŵiri ghinu ghaŵenuka paku ine.

1 Samuele 3:2

Pa nyengo yiya Eli, yo maso ghake ghangwamba kuchita chidima, mwakuti kuti walereskanga umampha cha, wagonanga pasi mu malo ghakuyija;

Chiyambo 48:10

Sono maso ghaku Yisraele ghanguchita ndandi chifukwa cha ukhongwe, viyo wanguziŵa kuwona cha. Viyo Yosefe wanguza nawo pafupi pake; ndipo wanguŵafyofyontha ndi wanguŵafukatiya.

Chiyambo 27:1

Wati wakota Yisaki, maso ghake ghanguchita mdima biviyo kuti wanguziŵa kuwona cha, wangudana Esau mwana wake mura, ndi wanguti kwaku iyo, “Mwana wangu”, ndipo wangwamuka, “Nde pano.”

Mateyu 24:29

“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge;

Sumu 90:10

Virimika vya umoyo widu vye machumi ghankhonde ndi ghaŵi pe, pamwenga virimika machumi ghankhonde ndi ghatatu asani tarutiliyako; ndipuuli cho vititipingiya ifwe ndi suzgu ndi chitima; umoyo umara ruŵi, ndipo ifwe tiruta.

Yesaya 13:10

Pakuti nyenyezi za machanya ndi mawumba ghake kuti vikapaskanga ukweru wawo cha lumwi likafipanga pakutuwa kwake mwezi kuti ukalongonga kuŵara cha.

Yoele 3:15

Dazi ndi mwezi vifipenge, nyenyezi nazo zifuŵiyenge.