Wakutaula 12:1 - Tonga Bible 1986

¹ Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Wakutaula 12:1 Referans Kwoze

Chitenje 3:27

Nkhwamampha kuti munthu wanyamuwenge goli mu unyamata wake.

Wakutaula 11:8

Pakuti asani munthu watuŵa ndi umoyo wa virimika vinandi, wakondwenge mwaku vyose vyo, kweni watenere kukumbuka kuti mazuŵa gha mdima ghakaŵanga ghanandi. Chose cho chituza nchawaka.

Nthanthi 22:6

Sambizga mwana mu nthowa yeniyo watenere kwendamo, ndipo pa waŵa mura kuti wapatukengemo cha mwaku yo.

Luka 18:16

Kweni Yesu wangughadaniya kwake, wakuti, “Tuzomerezgeni twana kuza kwaku ine, ndi mungatukanizganga cha; chifukwa ngwa twaviyo ufumu waku Chiuta.

Sumu 34:11

Zaninga, mwa ŵana, vwani kwangu, ndikamusambizganinga kopa Ambuya.

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

Sumu 90:10

Virimika vya umoyo widu vye machumi ghankhonde ndi ghaŵi pe, pamwenga virimika machumi ghankhonde ndi ghatatu asani tarutiliyako; ndipuuli cho vititipingiya ifwe ndi suzgu ndi chitima; umoyo umara ruŵi, ndipo ifwe tiruta.

Wakutaula 11:10

Tuzgamo suzgo mu mtima wako, ndipo taya kutali kuŵaŵa mu liŵavu lako; pakuti uhurwa ndi ulitema wa umoyo vyawaka.

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

2 Samuele 19:35

Pa nyengo yino ndendi virimika machumi ghankhonde ndi ghatatu (80) kumbi ndingaziŵa kuteska cho nchamampha ndi chiheni? Kumbi ndamteŵeti winu ndingaziŵa kwesa cho nditurgha ndicho nditumwa? Kumbi ndingaziŵa kutegherezga ku mazu ghakumbika ndi ŵanthurumi pamwenga ŵanthukazi? Na ndamteŵeti winu ndiŵiyengengenji so mphingu yakusazgiyako ku mbuyangu karonga?

1 Samuele 2:26

Mhurwa Samuele wangurutiriya kukuwa mu umampha wakurumbika ndi Ambuya ndipo so ndi ŵanthu.

Chiyambo 39:2

Ambuya ŵenga ndi Yosefe ndipo wanguŵa munthu wakusakata; ndipo wenga mu nyumba ya mbuya wake mu Egipiti yo,

Luka 1:15

Pakuti waŵenge mura pa maso gha Ambuya: ndipo vinyo ndi chikumwa chikari wangamwanga cha; ndipo wazazikenge ndi Mzimu Wakupaturika, kutuwa mu nthombo ya nyina.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

Chiyambo 39:23

msungi wa nyumba ya ukaidi kuti waŵikangako so maso cha kwaku kose keniko kenga kakuphwerereka ndi Yosefe, chifukwa Ambuya ŵenga nayo; ndipo che chose cho wanguchita, Ambuya anguchisakatiska.

ŴaEfeso 6:4

Ndipo mwaŵauskeu, mungakaralizga ŵana ŵinu cha, kweni muŵalere mu kulanga ndi kuchichizga kwa Mbuya.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Yesaya 26:8

Mu nthowa ya vyeruzgu vinu, Ambuya, titumulindizgani, zina linu lakukumbukika ndilo linweka la mzimu widu.

1 Samuele 2:18

Samuele wateŵetanga paurongo pa Ambuya, mhurwa wakuvwala efodo wa bafuta.

1 ŴaKaronga 18:12

Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

1 Samuele 1:28

Chifukwa ichi ndamupereka uyu ku Ambuya, mo wajariyenge ndi umoyo, ngwakuperekeka ku Ambuya.” Ndipo ŵangusopa Ambuya penipa.

Hoseya 7:9

Ŵalendo ŵamara nthazi zake, ndipo iyo kuti waziŵa ichi cha; nyivu zayoyoskeka paku iyo, kweni kuti waziŵa ichi cha.

Jobu 30:2

Nchine chanduwu cho ndatinge ndiŵenge nacho kutuwa ku manja ghawo, ŵanthu ŵeniwo nthazi zawo zamara.

1 ŴaKaronga 14:13

Ndipo ŵaYisraele wose ŵakamutenjenga, ndi kumuŵika, pakuti ndiyo pe waku Yeroboamu yo wakazanga ku muwunda, chifukwa mwaku iyo mukusanirika kanthu kakukondweska Ambuya, Chiuta waku Yisraele, mu nyumba yaku Yeroboamu.

Marangu 8:18

Mukumbuke Ambuya Chiuta winu, chifukwa ndiyo wamupaskani nthazi zakusaniriya usambasi, kuti wakhozge phanganu lenilo wangurapa kwa auskemwe, nge ndimo kulilizuŵa lino.

Nehemiya 4:14

Ndipo ndingulereska, ndi ndingusoka ndi ndingunene ŵaraŵara, ndi zinduna, ndi ŵanthu wose, “Mungawopanga cha. Kumbukani Ambuya, wo mbara ndi ŵakofya, ndipo imwe murwiye ŵabali ŵinu, ŵana ŵinu ŵanthurumi ndi ŵanthukazi, ŵawoli ŵinu ndi mizi yinu.”

Sumu 63:6

Po ndigona pa chita changu ndikumbuka imwe, usiku wose ndighanaghana ndi imwe;

Sumu 119:55

Ambuya, mu usiku ndighanaghana ndi imwe, ndipo ndisunga dangu linu.

Wakutaula 11:2

Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

2 Samuele 19:36

Ndamteŵeti winu ndirutenge namwe kamanavi kwambuka Yordane, chifukwa nchine karonga wandiwezgiyenge mphoto ya viyo?