Wakutaula 11:9 - Tonga Bible 1986

⁹ Kondwanga, muyamata, mu unyamata wako ndipo mtima wako ukondwenge mu mazuŵa gha unyamata wako; yendanga mu nthowa za mtima wako ndimu kuwona kwa maso ghako. Kweni ziŵa kuti Chiuta wakutoriyenge ku cheruzgu mwaku vyose ivi.

Wakutaula 11:9 Referans Kwoze

Wakutaula 12:14

Chifukwa Chiuta wakatoriyanga nchitu yose ku cheruzgu, pamoza ndi kanthu ke kose kakubisika, manyi nkhamampha pamwenga kaheni.

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Chitenje 3:27

Nkhwamampha kuti munthu wanyamuwenge goli mu unyamata wake.

Wakutaula 3:17

Ndingunena mu mtima wangu, Chiuta wakeruzganga ŵarunji ndi ŵaheni, pakuti wamika nyengo pa kafukwa ke kose, ndi pa nchitu ye yose.

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

ŴaHebere 9:27

Ndipo uli ndimo kutemeke ŵanthu kufwa kamoza, kweni pavuli pake kweruzgika,

Jobu 31:7

Asani muchapo wangu wapatuka mu nthowa, ndipo mtima wangu warondo maso ghangu, ndipo asani kadontho kabatika pa manja ghangu;

ŴaRoma 14:10

Kweni iwe, utumweruzgiyanji mbali wako? Pamwenga nawe so, utumyeyiyanji mbali wako? Chifukwa tose tamkuma paurongo pa chitengo chakweruzgiyapo chaku Chiuta.

Mateyu 5:28

Kweni ine ndikuneniyani, kuti yose wakulereska munthukazi kumkhumbira, wareŵa nayo kali mu mtima wake.

Wakutaula 2:10

Ndipo cho chose maso ghangu ghangukhumba kuti ndingughajara cha; ndengavi kukanizga mtima wangu ku likondwa le lose pakuti mtima wangu ungusaniya likondwa mu nchitu zangu zose, ndipo iyi yenga mphoto ya mukutakataka kwangu kose.

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Maŵerengedu 15:30

Kweni munthu yo walakwiya dara, manyi ndi mweni charu pamwenga mlendo wakuja namwe, ndiyo wanyoza Ambuya, munthu yo watuzgikeko, kumutuzgamo mu ŵanthu ŵake.

2 Petro 3:7

kweni machanya gho ghasono, ndi mtunda nawo, ndi mazu ghenigho pe vyaŵikikiya ku moto, vyalindizgikiya ku zuŵa la cheruzgu ndi la chanangiku cha ŵanthu ŵambura uwopa Chiuta.

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Sumu 81:12

Viyo ndinguŵazomerezga kuruta mu unonono wa mtima wawo, ndi kuchita vyose vyo wangukhumba.

Marangu 29:19

Ndipo mweniyo wachivwa mazu gha phanganu ili lakurapa, wajitumbika mu mtima wake, kuti, ‘Ndikaŵanga umamphavi, chingana nde wamtafu.’ Penipo kuzumbwa ndikukamuka kukatuzgikangapo kwakuyana.

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

Machitidu gha Ŵakutumika 24:25

Kweni wachipokoto iyo vyapa urunji, ndi kujitintha ndi cheruzgu cho chikazanga, Feliko wangumbwambwantha, ndi wangwamuka, “Sono rutanga; ndipo ndichiŵa ndi nyengo, ndamkukudana.”

Machitidu gha Ŵakutumika 14:16

mweniyo mu migonezi yaruta wanguyileka mitundu yose kukamu mu mendedu ghaku yija.

1 ŴaKaronga 22:15

Ndipo wanguti waza ku karonga, karonga wanguti, “Mikaya, kumbi tirutenge ku Ramoti-gileada ku nkhondo, pamwenga tireke?” Iyo wangumwamuka, “Kweriyaniko mwamupunda. Ambuya akawuperekanga mu janja la karonga.”

1 ŴaKaronga 18:27

Ndipo pa msana pakati Eliya wanguŵaseka, wanguti, “Bongoninga ukongwa, pakuti ndi chiuta; akhumba waghanaghana, pamwenga waya kunyake, pamwenga wepa ulendo, pamwenga ankhumba wagona, iko watenere kumuyuska.”

1 ŴaKaronga 18:12

Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

Maŵerengedu 22:32

Mungelo wa Ambuya wangunena nayo, “Chifukwa nchine wapuma mbunda yako nyengo izi zitatu? Ayivwa, ine ndaza kumikana nawe, chifukwa nthowa yako njakunangika paurongo pangu;

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

Luka 12:19

Ndipo ndineniyenge mzimu wangu, Wamzimu, we navyo vyuma vinandi vyakuŵikikiya ku virimika vinandi; pumuwapo; irgha, imwa, kondwa.’

Wakutaula 6:9

Nkhwamampha kulereska ndi maso kwakuruska kuyingayinga kwa linweka, ichi nachu so nchawaka ndi suzgu ya mtima.

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Wakutaula 3:12

Ndiziŵa kuti kulivi kamampha kwaku iwo kwakuruska kukondwa ndi kusekere mwaku iwo ŵija po ŵeche ndi umoyo;