Wakutaula 11:8 - Tonga Bible 1986

⁸ Pakuti asani munthu watuŵa ndi umoyo wa virimika vinandi, wakondwenge mwaku vyose vyo, kweni watenere kukumbuka kuti mazuŵa gha mdima ghakaŵanga ghanandi. Chose cho chituza nchawaka.

Wakutaula 11:8 Referans Kwoze

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Marangu 32:29

Asani ŵenga ŵazeru, mphanyi ŵanguwamo ichi, mphanyi ŵanguziŵa umari wawo wakuŵapo pavuli.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Yuda 1:18

ŵanguti kwaku imwe, “Pa nyengo ya umari paŵenge ŵakuwera, ŵakwenda uli ndi maulakalaka gha uwura uwopa Chiuta waku ŵija.”

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Wakutaula 8:15

Ndipo ndingurumba kukondwa, pakuti munthu walivi kamampha panu pasi kweni kurgha ndi kumwa, ndi kujikondweska mweneko, pakuti ichi chikaŵanga nayo mu nchitu yake mazuŵa ghose gha umoyo wake gho Chiuta watumpaska panu pasi.

Wakutaula 8:12

Nanga mulakwi wachita uheni unandi limu ndi kuŵa ndi umoyo utali, ndipuuli ndiziŵa kuti ŵakopa Chiuta kukaŵaŵiyanga umampha, chifukwa ŵatopa pa maso pake;

Wakutaula 6:11

Pa makani ghanandi, pe vyawaka vinandi nanga munthu waruskakunji?

Mateyu 22:13

Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’

Wakutaula 6:6

Nanga wangagona virimika vikwi viŵi (2,000) kweni kuŵa ndilikondwa lamampha cha asi wose waruta ku malo ghamoza?

Wakutaula 4:16

kwengavi umari ku ŵanthu wose; wenga pachanya paku iwo wose. Ndipo wo ŵatuza pavuli pake kuti ŵakakondwanga mwaku iyo cha. Kwakuneneska ichi nachu so nchawaka ndi suzgu ya mtima.

Wakutaula 4:8

munthu yo walivi nanga njumoza, kaya mwana munthurumi pamwenga mbali, kweni uli kulivi umari ku suzgu yake yose, ndipo maso ghake kuti ghaguta ndi usambasi cha, viyo kuti watijifumba cha kuti, “Kumbi ine ndisuzgikiya yani pakujikanizga ku malikondwa?” Ichi nacho so nchawaka ndipo ndi nchitu yambura kukondweska.

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Wakutaula 2:19

ndipo ndiyani waziŵa manyi wakawanga wa vinjeru pamwenga muzereza? Ndipuuli wakawusanga pa milimu yangu yose yo ndasuzgika nayo pakuchita vinjeru vyangu. Ichi nachu so nchawaka.

Wakutaula 2:17

Viyo ndinguwutinkha umoyo, chifukwa cho chikuchitika mu charu chapasi nchakundipaska chitima pakuti vyose vyawaka ndipo ndi suzgu ya mtima.

Wakutaula 2:15

Penipo ndingurongoro mu mtima wangu, “Chenicho chiwiya wakupusa chikawiyanga so ine; nanga chifukwa nchine ine ndaŵa wavinjeru ukongwa?” Ndipo ndingukamba mwaku ndamweni kuti ichi nachu so nchawaka.

Jobu 18:18

Wachimbizgika kutuwa ku ukweru kuya ku mdima, ndi wazirimitiya mu charu cha ŵamoyo.

Jobu 15:23

Wayingayinga kupenja chiŵande, watiti, ‘Chepani?’ Waziŵa kuti zuŵa la mdima laŵandika pa janja lake;

Jobu 14:10

Kweni munthu watufwa pa wawonda ukongwa, watuta kwakumariya, ndipo wepani?

Jobu 10:22

charu cha munkhorwe ndi chautimbanizi kweniko ukweru we nge ndi mdima.”

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Wakutaula 11:2

Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

Jobu 10:21

ndenga ndindaruti ko kuti ndamuweko so cha, charu cha munkharwe ndi mdima ukuru,

Jobu 14:12

viyo munthu wagona pasi ndipo kuti wayuka so cha; mpaka penipo mitambo yikaŵangapo so cha, iyo kuti wakayukanga cha, pamwenga kuyuskika mutulo twake.

Sumu 49:20

Munthu kuti wajaririya mu kuzirwa kwake cha, wayana ndi nyama zo zitufwa.