Wakutaula 11:5 - Tonga Bible 1986

⁵ Nge ndimo ureke kuziŵiya mzimu uchiza muviwanga mukati mu nthumbo ya munthukazi wakuŵa ndi mwana, ndimo ureke kuziŵiya nchitu zaku Chiuta yo wachita vinthu vyose.

Wakutaula 11:5 Referans Kwoze

Yohane 3:8

Mphepu yiputa kweniko kose yikhumba ndipo utuvwa kuuziya kwake, kweni kuti uziŵa cha ko yituwa, ndi ko yitiya: we viyo yose wakupapika ku Mzimu.”

Sumu 92:5

Nawu mbukuru wa milimu yinu, Ambuya! Ngandimba ukongwa maghanaghano ghinu!

Wakutaula 8:17

penipo ndinguwona nchitu zose zaku Chiuta munthu kuti wangasaniya nchitu yo yichitika panu pasi cha. Nanga wangafukafuka uli mu kupenja-penja kuti wangayisaniya cha; manyi chingana ngwazeru yo watiti waziŵa, kweni kuti wangayisaniya cha.

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

Yesaya 40:28

Kuti ukuziŵa cha? Kumbi ulivi kuvwa? Ambuya ndiyo Chiuta wa muyaya, Mlengi wa vigoti vya charu chapasi. Kuti wagongowa chingana nkhuvuka cha, kuwamo kwake nkhwambura mapenjeka.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Wakutaula 7:24

Cho chiriko, che kutali ndi ndimba, ndimba yitali ukongwa ndiyani wangachisaniya?

Sumu 40:5

Ambuya, Chiuta wangu, mwandaniska nchitu zinu zakuziziswa ndi maghanaghanu ghinu gha paku ifwe; palivi nanga njumoza wakuyana namwe! Asani ndenga wakughataula ndi kughakamba, mphanyi ghaŵa ghanandi ghambura maŵerengeka.

Jobu 38:4

“Kumbi wenga pani penipo ndinguŵika chiŵanja cha charu? Undinene, asani wendi vinjeru.

Jobu 37:23

Wanthazizose kuti tingaziŵa kumusaniya cha; ndi mukuru mu nthazi ndi mu cheruzgu, ndi uzali wa urunji kuti wakasuskanga cha.

Jobu 5:9

Mweniyo wachita vinthu vikuru, ndi vyambura kulondoreka, vinthu vyakuziziswa vyambura kuŵerengeka.

Wakutaula 1:6

Mphepo yiputa ku malaŵi, ndi kuzunguliya ku nkhonde; yizunguliya-zunguliya yiruta, ndipo pakuzunguliya kwake mphepo yiwe so.

Wakutaula 1:13

Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Wakutaula 3:10

Ndawona suzgu yo Chiuta wapaska ku ŵana ŵa ŵanthu kuti ŵasuzgike nayo.

Wakutaula 3:11

Wachita vinthu vyose kuŵa vyakutowa mu nyengo yake; waŵika so umuyaya mu mtima wa munthu kweni ndipuuli palivi yo waziŵiska cho Chiuta wachita kutuliya ku kwamba mpaka ku umari.

Wakutaula 11:4

Yo walereska mphepo kuti wakamijanga cha; ndipo wakughanaghana ndi mitambo kuti wakavunanga cha.