Wakutaula 11:10 - Tonga Bible 1986

¹⁰ Tuzgamo suzgo mu mtima wako, ndipo taya kutali kuŵaŵa mu liŵavu lako; pakuti uhurwa ndi ulitema wa umoyo vyawaka.

Wakutaula 11:10 Referans Kwoze

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

2 Timote 2:22

Kweni thaŵanga maulakalaka ghauhurwa, ndipo ndondoloska urunji, chivwanu, chanju, chimangu, pamoza ndi ŵeniwo ŵadaniya pa Mbuya ndi mtima ukovu.

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Wakutaula 1:14

Ndawona chinthu chose cho chachitika panu pasi, ndipo ehe, chose nchawaka ndi suzgu ya mtima.

Wakutaula 1:2

Chawaka vyawaka, watiti Wakutaula, chawaka vyawaka! Chose nchawaka.

Sumu 39:5

Awonani, mwaŵika mazuŵa ghangu ghamanavi nge mbusani wa chikufi, ndipo nyengo ya umoyo wangu yenge nkhanthu cha mu maso ghinu! Nadidi munthu yose watuma ulaka nge nkhamvuchi kawaka!

Jobu 20:11

Viwanga vyake vyakuzazika ndi nthazi za wanamana wake, kweni vikagonanga nayo pamoza mu fuvu.

Jobu 13:26

Pakuti murembe vyakuŵaŵa kumikana ndi ine, ndi kundichitiska kuti ndihare kwananga kwa uhurwa wangu.

Sumu 25:7

Rekani kukumbuka vya kulakwa kwa pa uhurwa wangu ndi mamphuru ghangu; kwakulingana ndi chanju chikuru mundikumbuke, pa chifukwa cha umampha winu pe, Ambuya, mwe.

Nthanthi 22:15

Ubereŵeza ukumangika mu mtima wa mwana, kweni ndodo yakuchenjezga yitindidikiskiya kutali ndi iyo.

Jobu 11:12

Kweni munthu waŵakaŵaka wangaŵa ndi vinjeru po kana ka mbunda kupapika nge ndi munthu.

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!