Wakutaula 10:19 - Tonga Bible 1986

¹⁹ Chiŵande chibikikiya vidala, vinyo wakondweska umoyo, ndipo ndrama zitovya mu vinthu vyose.

Wakutaula 10:19 Referans Kwoze

Sumu 104:15

Wapanga vinyo kuti wakondweskenge mtima wake, mafuta kuŵaliska chisku chake, ndi kurgha kwakumupaska nthazi.

1 Petro 4:3

Chifukwa nyengo yo yakapo njikuru kutataliya khumbiro la ŵaMitundu, ndi kujende mu mauyaya, maulakalaka, mauloŵevu, vindimba, maunkhamwi, masopedu ghamwikhu gha ŵangoza.

Luka 12:19

Ndipo ndineniyenge mzimu wangu, Wamzimu, we navyo vyuma vinandi vyakuŵikikiya ku virimika vinandi; pumuwapo; irgha, imwa, kondwa.’

Yesaya 24:11

Mwe kudanirizga mu ŵagurwi, chifukwa cha kusoŵa vinyo; chimwemwe chose chafikapo pa mazulo ghake, kukondwa kwa charu chapasi kwadikiskika.

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Machitidu gha Ŵakutumika 11:29

Ndipo ŵamu ŵasambizi, uli ndimo yumoza ndi yumoza wasakatiyanga, yose waku wo wanguteme chiteŵeta chitumike ku ŵabali ŵakuja mu Yuda;

Machitidu gha Ŵakutumika 2:45

ndipo ŵasaskanga viŵetu ndi vyuma vyawo ndipo ŵanguvigaŵiya kwaku wose, uli ndimo munthu we yose wangukavukiya.

Luka 16:9

Ndipo ine ndikuneniyani, jichitiyeni ŵabwezi ndi chuma cha uwura-urunji, alinga kuti, penipo chingapereŵe ŵangamrondeni mu mahema ghamuyaya gho.

Luka 8:3

ndi Yoana, muwoli waku Khuza, kapitau waku Herode, ndi Susana, ndi ŵanyake ŵanandi, ŵeniwo ŵamteŵetiyanga ndi chuma chawo.

Mateyu 19:21

Wangumnene Yesu. “Asani unkhumba kuŵa wakukongora, kanga, kasaske vyo we navyo, paska ku ŵakavu, ndipo uŵenge ndi mbiku kuchanya; ndipo zanga, rondo ine!”

Mateyu 17:27

Kweni, vinu tingaŵaguŵiska, rutanga ku nyanja, kaŵeje, ndipo somba yakudanga kubuka to; ndipo utakuti wapambanuwa mlomo wake, usaniyengemo shekelu to lenilo ndi uŵapaske paku ine ndi iwe.”

Yesaya 23:18

Malonda ghake ndi mphoto yake vipaturikiyenge ku Ambuya, kuti ghakaŵikikanga pamwenga kusungika cha, kweni malonda ghake ghakapaskanga kurgha kwakuzara ndi vivwaro vyamampha kwaku wo mbakuja paurongo pa Ambuya.

Nehemiya 5:8

ndipo ndinguti kwaku wo, “Ifwe uli ndi penipo taŵiya ndi mwaŵi, tawezga ŵabali ŵidu ŵaYuda wo ŵanguguliskika ku mitundu kweni imwe so musaska ŵabali ŵinu kuti ŵaguliskike kwaku ifwe.” Ŵanguja chisisi, ŵengavi kuwona kakukambapo.

Ezra 1:6

Ŵazengezgani ŵawo wose ŵanguŵawovya pakuŵapaska viyaŵi vya siliva, ndi golide, ndi vyuma ndi vyakuŵeta, ndi vinthu vya mtengo, pade paku vyose vyo vinguperekeka kwawanangwa.

1 Mikoka 21:24

Kweni karonga Davidi wanguti kwaku Ornani, “Awa, kweni nkhagulanga pa mtengo wakukwana; kuti nkhatoliyanga Ambuya cho nchako cha, pamwenga kupereka sembe yakocha yaku cho kuti ndagula cha.”

2 Samuele 13:28

Penipo Absalomu wangulanguliya ŵanyamata ŵake, wanguti, “Muje maso po mwamuwone kuti mtima waku Amunone wakondwa ndi vinyo, ndi chikamba namwe kuti, ‘Kosoni Amunone,’ imwe mukamubaye. Kopa cha; ndamulanguliyani, khwimani muŵe vinkhara.”

1 Samuele 25:36

Abigaili wanguti kuvuli; wangusaniya kuti Nabala we pa dghera mu nyumba yake, nge ndi dghera la karonga. Ndipo mtima waku Nabala unguŵa mu likondwa likuru, pakuti wanguloŵe ukongwa; ndipo kuti wangumuneniyapo kanthu cha mpaka ku mlenji lumwi latuwa.

Ŵeruzgi 9:13

Kweni mphereska yinguti kwaku yo, ‘Kumbi ndilekenge vinyo wangu mweniyo wakondweska ŵachiuta ndi ŵanthu, ndi kuruta kwachiwusa pa miti?’

Chiyambo 43:34

Vyakugaŵika vyatorekiyanga kwaku wo kuwa ku gome laku Yosefe, kweni chigaŵa chaku Benjamini chinguruska vigaŵa vinkhonde pa chigaŵa chose cha ŵanyake. Viyo ŵangumwa ndi ŵangukondwa pamoza nayo.

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Wakutaula 2:3

Ndingupenja ndi mtima wangu mo ndingasangaruskiya liŵavu langu ndi vinyo, mtima wangu weche kundirongozga mu vinjeru ndimo ndingakore, uzereza, mpaka penipo ndinguwona cho nchamampha ku ŵana ŵa ŵanthu kuchita pasi pa mtambo mu mazuŵa ghamanavi gha umoyo wawo.

Ŵeruzgi 14:10

Ndipo awiske wangusikiya ku munthukazi yo, ndipo Samsoni wanguchitiyako dghera kwenikuwa; pakuti viyo ndimu ŵachitiyanga ŵanyamata.

Estere 1:10

Pa zuŵa la chinkhonde ndi chiŵi, po mtima wa karonga wati wasangaruka ndi vinyo wangunene Mehumani, Bista, Harbona, Bigitani, Abagita, Zetara ndi Karkasi, nduna zinkhonde ndi ziŵi zo zatakatakiyanga karonga Ahaswerusi,