Wakutaula 10:14 - Tonga Bible 1986

¹⁴ Wakupusa watandaniska mazu, nanga munthu kuti waziŵa cha cho chikaŵangako, ndipo ndiyani yo wangaziŵa kumunene cho chikaŵangako pavuli paku iyo?

Wakutaula 10:14 Referans Kwoze

Nthanthi 15:2

Lilime la wazeru lirunguchizga chinjeru, kweni milomo ya ŵakupusa yidira kupusa.

Wakutaula 8:7

Chifukwa kuti waziŵa cha cho chikaŵangako, pakuti ndiyani yo wangaziŵa kumunene mo chikaŵiyanga?

Wakutaula 6:12

Chifukwa ndiyani waziŵa cho nchamampha ku munthu penipo waja mazuŵa ghamanavi gha umoyo wake wa ŵaka, wo wati wujumpha nge ndi mduzi? Pakuti ndiyani yo wangamunene munthu cho chikaŵangako pavuli pake panu pasi.

Wakutaula 5:3

Pakuti loto lituza ndi nchitu zinandi, ndipo mazu gha muzereza ghendi vyakurongoro vinandi.

Wakutaula 3:22

Mu chifukwa ichi ndinguwona kuti kulivi kamampha kwakuruska kuti munthu wakondweriyenge nchitu yake, pakuti lenilo ndilo phande lake; ndiyani yo wakamutoriyanga kukuwona vyo vituza pavuli pake?

Nthanthi 10:19

Asani mazu nganandi, kusovya kuti kutuwa patali cha, kweni mweniyo wasunga milomo yake ngwazeru.

Jobu 35:16

Jobu wajura mlomo wake ndi waŵereŵeta vyaŵaka, watandaniska mazu kwambura zeru.”

Jobu 34:37

Chifukwa wasazgako chigaruka ku ulakwi wake, wawomba manja ghake mukati mwidu, ndi watandaniska mazu ghake ghakumikana ndi Chiuta.”

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Wakutaula 9:1

Kweni vyose ivi ndinguviŵika pa mtima, kwesa vyose, kuti murunji ndi wazeru ndi nchitu zawo ŵemu manja ghaku Chiuta; munthu kuti waziŵa cha kuti manyi nchanju pamwenga tinkhu. Chinthu chose paurongo pawo nchawaka.

Wakutaula 10:15

Mlimu, wa wakupusa wutimuvukiska viyo kuti waziŵa cha nthowa yakuya ku msumba.

Ezekiele 35:13

Ndipo iwe ungujikwezga paku ine ndi milomo yako, ungwandaniska mazu ghako kumikana nane, ine ndingughavwa.