Wakutaula 10:12 - Tonga Bible 1986

¹² Kurongoro kwa munthu wazeru, kuti mutore ulemu, kweni milomo ya muzereza yitumurgha.

Wakutaula 10:12 Referans Kwoze

ŴaKolose 4:6

Mazu ghinu ghaŵe ghawezi nyengo zose, ghakunoweskeka ndi mche, kuti muziŵe mo kutenere imwe kumwamukiya munthu yose, yumoza ndi yumoza.

Luka 4:22

Ndipo wose ŵangumsimikizgiya, ndipo ŵatondwanga pa mazu gha wezi ghakutuwa mu mlomo wake; ndipo ŵanenanga, “Asi uyu ndi mwana waku Yosefe?”

Nthanthi 22:11

Mweniyo watanja utozi wa mtima, ndi mweniyo kurongoro nkhwawezi, ndi wakaŵanga ndi karonga uli ndi bwezi lake.

Nthanthi 15:2

Lilime la wazeru lirunguchizga chinjeru, kweni milomo ya ŵakupusa yidira kupusa.

ŴaEfeso 4:29

Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa.

Luka 19:22

Wamunene, ‘Ndikweruzgenge ndi mazu ghako, muŵanda muheni we. Waziŵanga kuti ine nde munthu munononu, wakuto chenicho ndengavi kuŵika, ndi wakuvuna chenicho ndengavi kupanda;

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.

Nthanthi 31:26

Wajura mlomo wake ndi zeru, ndipo kusambizga kwa wezi kwepa lilime lake.

Nthanthi 26:9

Uli ndi munga weniwo usere mu janja la wakuloŵe, ndimu yilili nthanthi mu mlomo wa bereŵeza.

Nthanthi 19:5

Kaboni mutesi kuti walekenge kulangika cha, ndipo mweniyo wakamba mautesi kuti wathaŵenge cha.

Nthanthi 15:23

Kwamuka kwaruŵi ndi likondwa ku munthu, ndipo mazu mu nyengo yake, kuti nkhunozga cha!

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

Nthanthi 10:10

Mweniyo wakupizga jiso lake watamba suzgu, kweni mweniyo wasuska ndi kukhwima mtima wachitika chimangu.

Nthanthi 10:8

Wazeru mu mtima wakaphwerenga marangu, kweni wakupusa wavibwetu wakanangikanga.

Sumu 140:9

Ŵakundizingirizga ŵasoska mutu wawo; mahomwa ghawo ghawiye pa ŵeneko.

Sumu 64:8

Chifukwa cha lilime lawo waŵapasuwenge; wose ŵakuŵalereska ŵakapukung'anga mitu yawo.

Sumu 37:30

Mlomo wa wakurunjika ukamba zeru, lilime lake likamba cheruzgu.

Jobu 16:5

Ndatinge ndikukhwimiskenge ndi mlomo wangu, lisungu la mlomo wangu mphanyi lagowozga chitima chinu.

2 Samuele 1:16

Davidi wangunena nayo, “Ndopa zako ziŵi pa mutu wako; pakuti mlomo wako wakuŵiya kaboni wamweni, kuti, ‘Ndabaya wakupakika wa Ambuya.’ ”

Wakutaula 4:5

Wakupusa wapeta manja ghake, ndi kurgha nyama ya mweneko.

Wakutaula 9:17

Mazu gha wazeru ghakuvwikiya mu chisisi ngamampha, kwakuruska kubangura kwa wakuwusa mukati mu ŵazereza.

Wakutaula 12:11

Kukamba kwa wazeru kwenge ndi mivwi yakurasa, mazu ghakusankhika gho ghakuperekeka ndi mliska yumoza ghe nge ndi mzumali yakukhomeka ndi nthazi.

Wakutaula 5:2

Ungarongoronga kwakuthaŵiriya cha, nanga nkhuzomerezga mtima wako kupusumphiska mazu pakurongoro paurongo paku Chiuta, chifukwa Chiuta we kuchanya, iwe we panu pasi, pa chifukwa ichi mazu ghako ghaŵenge ghamanavi.

Wakutaula 5:6

Ungazomerezganga cha mlomo wako kukurongozge ku kwananga, ndipo ureke kurongoro pa maso pa muthenga kuti kwenga kubuda; wakalipiyengenji Chiuta pa mazu ghako, ndi kuparghang'a nchitu za manja ghako?