Wakutaula 1:13 - Tonga Bible 1986

¹³ Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Wakutaula 1:13 Referans Kwoze

Wakutaula 3:10

Ndawona suzgu yo Chiuta wapaska ku ŵana ŵa ŵanthu kuti ŵasuzgike nayo.

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Wakutaula 1:17

Ndipo ndingupereka mtima kuziŵa vinjeru, ndi kuziŵa kufuntha ndi uzereza. Ine ndikupanikizga kuti ichi nachu so ndi suzgu ya mtima.

1 Timote 4:15

Phwerenga vyenivi jaririyanga mwaku vyo, alinga kuti kakiyakiyidu kako kawoneke kwaku wose.

Wakutaula 12:12

Mwana wangu, uchenje ndi kanthu ke kose kakuruska ivi, kulemba mabuku ghanandi kuti kumarenge cha, ndipo kusambira ukongwa nkhujivukiska liŵavu.

Wakutaula 7:25

Ndingung'anamuka mtima wangu kuziŵa ndi kusanda ndi kupenja zeru kuti ndisaniye unandi wa vinthu ndi kuziŵa uheni wa ŵazereza ndi kupusa ko nkhufuntha.

Wakutaula 8:9

Chose ichi ndinguchisanda po mtima wangu wapenjanga mwaku vyose vyo vichitika panu pasi, penipo munthu wapweteka munthu munyake pakumuwusa.

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Wakutaula 2:23

Pakuti mazuŵa ghake ghose ghazaza ndi urwirwi, ndipo nchitu yake ndi vitima; nanga mbusiku mtima wake kuti upumuwa cha. Ichi nachu so nchawaka.

Nthanthi 23:26

Wa mwana wangu, undipaske mtima wako, ndipo ughachite maso ghako ghateske nthowa zangu.

Nthanthi 18:15

Muwongo wa chinjeru upenja zeru, ndipo gutu la wazeru lipenja chinjeru.

Nthanthi 18:1

Mweniyo wakana ŵanasi wapenja kafukwa kakusosomolana, kurwana ndi cheruzgu chose chakurunjika.

Nthanthi 4:7

Kwamba kwazeru ndi uku: Ronda zeru, ndipo che chose cho ungaronde, ronde kuwamo.

Sumu 111:2

Zikuru nchitu za Ambuya, zisandika ndi wose wo ŵakondwere mwaku zo.

Jobu 28:3

Ŵanthu ŵangweruska mdima, ndi ŵapenja mwa wa ndrama kutali kwakumariya mu mdima ukuru wamunkhorwe.

Wakutaula 3:11

Wachita vinthu vyose kuŵa vyakutowa mu nyengo yake; waŵika so umuyaya mu mtima wa munthu kweni ndipuuli palivi yo waziŵiska cho Chiuta wachita kutuliya ku kwamba mpaka ku umari.

Wakutaula 4:8

munthu yo walivi nanga njumoza, kaya mwana munthurumi pamwenga mbali, kweni uli kulivi umari ku suzgu yake yose, ndipo maso ghake kuti ghaguta ndi usambasi cha, viyo kuti watijifumba cha kuti, “Kumbi ine ndisuzgikiya yani pakujikanizga ku malikondwa?” Ichi nacho so nchawaka ndipo ndi nchitu yambura kukondweska.

Wakutaula 11:5

Nge ndimo ureke kuziŵiya mzimu uchiza muviwanga mukati mu nthumbo ya munthukazi wakuŵa ndi mwana, ndimo ureke kuziŵiya nchitu zaku Chiuta yo wachita vinthu vyose.

Nthanthi 25:2

Mbunkhankhu waku Chiuta kubisa vinthu, kweni unkhankhu wa ŵakaronga nkhupenja kubowozga vinthu.