ŴaKolose 3:8 - Tonga Bible 1986

⁸ Kweni sono, vipateni ivi vyose; kandundu chikwiya, mwendanato ndi utokose wakutuwa mu mlomo winu.

ŴaKolose 3:8 Referans Kwoze

ŴaEfeso 4:29

Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa.

ŴaEfeso 4:22

muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi;

ŴaEfeso 5:4

chingana ndi lilengu, chingana mbubepi, chingana ndi mphekulu yiheni, vyenivyo vyambura kuyamo; kweni ukongwa kuwonga.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

ŴaEfeso 4:26

Tundiyani, ndikweni mungalakwanga cha: pa chikaralizga chinu lingasere dazi cha:

ŴaHebere 12:1

Viyo nadi ifwe nafwe pakuzungurizgika ndi mtambo weniukuru waviyo waŵakaboni, ndi pakututumika chizitu chose ndi ulakwi wo utitizombezga tichimbiye ndi chitatata maphara gho ghatimikikiya kunthazi,

Nthanthi 29:22

Munthu wachikwiya wayuska ndeu, ndipo munthu wa chikalalizga wachitiska utimbanizi unandi.

ŴaKolose 3:9

Mungateterananga cha; pakuti mwazuwa munthu wakali pamoza ndi machitidu ghake,

1 Petro 2:1

Viyo, pakujizuliya uheni wose, ndi urghargha wose, ndizifuzi, ndi viŵinu, ndi masuzgu ghose,

2 ŴaKorinte 12:20

Chifukwa nditopa kuti vinu ndichiza, ndingasaniya imwe nge ndimo kuti ndikhumbiya cha, ndipo ine ndingasanirika namwe nge ndimo kuti mukhumbiya imwe cha; vinu kokuli pangaŵa ndeu, sanji, vikwiya, magaukanu, kusuza, mitokutoku, matukutuku, vimtimbaheka.

1 ŴaKorinte 3:3

chifukwa mweche ŵaliŵavu. Pakuti po pe bina ndi ndeu mukati mwinu, asi mwe ŵaliŵavu, ndi mutenda ulaka mbanthu bweka?

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Sumu 37:8

Tuwako ku ukari, utaye kandundu! Reka kujikweŵeska, ichi chirongozge ku kwananga.

ŴaGalatia 5:15

Kweni asani murumana ndi muturghan, cheŵani vinu mungamarizgana.

ŴaRoma 13:13

kweni tivware vidya vya ukweru. Tendenge kwakukongora nge ndi mu msana; mu vitimbeheka ndi mauloŵevu cha, mu maureŵi ndi mauyaya cha, mu ndeu ndi mu bina cha.

Nthanthi 17:14

Kwamba kwa ndeu kwe uli nkhutuzga maji, viyo tuwapo ndeu yenga yindayambe.

Yuda 1:8

Kweni kwakukozgana nako ŵakulota yaŵa nawo ŵakazuzga liŵavu, ndipo ŵayeya mazaza, ndi kutuka maunkhankhu.

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;

Yakobe 2:7

Asi ndiwo ŵatokoska zina lo lakutowa lenilo lingudanika paku imwe?

1 Timote 1:20

ŵaku ŵeniwo ndi Humenayo ndi Alezandro, wo ndapereka kwaku Satana, alinga ŵalangike kureka kutokoska.

1 Timote 1:13

ine ndawakuŵa kali mtokota ndi wakuŵemba ndi wamtonyoru: kweni ndinguchitikiya lisungu, pakuti kwambura kuziŵa ndinguchitiya viyo mu uwura chivwanu;

ŴaGalatia 5:26

Tingaŵangaŵabereŵeza cha, ŵakusosomorana cha, ŵakuŵiniwana cha.

ŴaGalatia 5:20

wiyu, masomaso, chisopangoza, ufwiti, mawongu, zindeu, zisanji, vikwiya, matukutuku,

Marko 7:22

viŵinu, mauheni, fuvyu, ulakalaka, jiso liheni, mautusi, jani, uzereza,

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.

Nthanthi 19:19

Munthu wakukalipa ukongwa wakalipanga thumba; pakuti asani mutimuleka, mukawerezganga kuchichita.

Yuda 1:13

mayigha ghakari gha nyanja, ghenigho ghamokoka phovu la soni zawo; nyenyezi zakurandiyarandiya, kwaku zenizo wasungikiya munkhorwe wa mdima muyaya.

2 Petro 2:7

ndipo wangumtaska Lote murunji yo, mweniyo wasuzgikanga ukongwa ndi kajaridu kaheni ka ŵachikana marangu wo,

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.