ŴaKolose 3:22 - Tonga Bible 1986

²² Mwaŵaŵanda, mwaku vyose vwiyani ambuyamwe ŵamu charu; mu kutakataka kwapa maso pe nge mbabukondweska ŵanthu cha kweni mu wanangwa wamtima, pakumopa Mbuya.

ŴaKolose 3:22 Referans Kwoze

ŴaGalatia 1:10

Chifukwa kumbi ndiwoja ŵanthu, pamwenga Chiuta iyo? Pamwenga ndilembe kukondweska ŵanthu? Asani ndale ndakondweskanga ŵanthu, mphanyi kuti ndingawa mteŵeti waku Kristu cha.

1 ŴaTesalonika 2:4

kweni uli ndimo tazomerezgeke ndi Chiuta kutipingizga evangeli wo, viyo tikamba; nge mbakukondweska ŵanthu cha, kweni Chiuta yo watesa mitima yidu.

ŴaKolose 3:20

Mwaŵana vwiyani ŵapapi ŵinu mwaku vyose, chifukwa ichi nchakukondweska Ambuya.

Luka 6:46

“Ndipo uli mutinditamula, ‘Ambuya, Ambuya,’ ndi mureka kuchita vyo ndinena?

Wakutaula 5:7

Pakuti po maloto ghangana, mazu ghawaka nagho ghatuŵa ghanandi: kweni iwe wopanga Chiuta.

Filemone 1:16

uli ndi muŵanda so cha, kweni wakuzungura muŵanda, mbali wakwanjiwa ukongwa viŵi kwaku ine, kweni ukongwako mbwenu kwaku iwe, muliŵavu ndi so mu Ambuya.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Luka 7:8

Chifukwa ine nda munthu nde wakuŵikika pasi pa mtufu, wakuŵa nawo pasi ŵankhondu: ndipo ndi munene uyu, ‘Rutanga,’ ndipo waruta; ndi ku munyake, ‘Zanga,’ ndipo watuza; ndi ku muŵanda wangu, ‘Chitanga chenichi,’ ndipo wachita.”

Mateyu 8:9

Chifukwa ine nane nde munthu pasi pa mtufu, wakuŵa ndi ŵankhondo pasi pangu: ndipo ndinena kwaku uyu, ‘Rutanga,’ ndipo waruta, ndi ku munyake, ‘Zanga,’ ndipo watuza; ndi ku muŵanda wangu, ‘Chitanga chakuti,’ ndipo wachita.”

Mateyu 6:22

“Limbuni la liŵavu ndijiso: Asani jiso lako ndamampha, liŵavu lako lose liŵenge laukweru:

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Sumu 123:2

Ehe, mo mteŵeti wathamiya mbuyake, mo mteŵeti munthukazi wathamiya mbuyake munthukazi, viyo ndimu nafwe tilereske kwinu, Ambuya Chiuta widu, mpaka penipo mwatichitiya wezi.

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

Wakutaula 8:12

Nanga mulakwi wachita uheni unandi limu ndi kuŵa ndi umoyo utali, ndipuuli ndiziŵa kuti ŵakopa Chiuta kukaŵaŵiyanga umampha, chifukwa ŵatopa pa maso pake;

Nehemiya 5:9

Viyo ine ndinguti, “Chinthu cho muchita kuti nchamampha cha. Si mutenere kwenda mu chopu chaku Chiuta widu kukanizga lirengu la mitundu yo njakupindikana nafwe?