ŴaKolose 3:12 - Tonga Bible 1986

¹² Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

ŴaKolose 3:12 Referans Kwoze

ŴaEfeso 4:32

kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.

ŴaEfeso 4:2

ndi uzimbwa wose ndi upovu, ndi chilekerezga, pakukunthiriyana mu chanju;

1 Yohane 4:19

Ifwe titanja, pakuti iyo danga wangwanja ifwe.

ŴaKolose 3:10

ndipo mwavwara munthu mufya, mweniyo wazgoka mufya uli nchikozgu chaku yo wangumlenga ndi kukuliya mu kumuziŵa Chiuta.

2 Petro 1:10

Viyo na, mwa ŵabali, ukongwako pamphukiyani kwachikhozga mdanu winu ndi kasankhikidu kinu: chifukwa pakuchita vyenivi, kuti muguŵenge kose cha:

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

2 ŴaKorinte 6:6

mu ukhovu, mu mziŵiru, mu chilekerezga, mu ulemu mu Mzimu Wakupaturika, mu chanju chakuwura-ufyali,

Yeremiya 31:3

Ambuya angumuwoneke, kutuliya kutali. Ndakwanja ndi chanju cha muyaya, chifukwa cho ndaŵa ndi lisungu lakurutiliya paku iwe.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

ŴaRoma 1:7

Viyo ndilemba kwaku wose ŵamu Roma, ŵakwanjiwa ŵaku Chiuta, wakudanika kuŵa ŵakupaturika. Wezi kwaku imwe, ndi chimangu, kutuliya kwaku Chiuta Auskefwe ndi Ambuya Yesu Kristu.

Tito 1:1

Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

Mateyu 24:31

Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Luka 1:78

chifukwa cha chitima cha lisungu chaku Chiuta widu, penipo chimphara chamutuliya paku ifwe cha mudengwendi,

Marko 13:27

Ndipo sono ŵakatumanga ŵangelo, ndipo ŵakawungang'iskanga ŵakusankhika ŵake ku mphepu zinayi, kutuwa ku chigoti chapasi mpaka ku chigoti chakuchanya.

ŴaEfeso 4:24

ndi kuti muvware munthu mufya, yo kwakuyana ndi Chiuta ngwakulengeka mu urunji ndi ukhovu wa uneneska.

Yesaya 42:1

Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

ŴaFilipi 1:8

Chifukwa liuta ndi kaboni wangu, pakuti nditikunwekiyani mose mu vyachitima vyaku Kristu Yesu.

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.

ŴaRoma 9:11

chifukwa ŵana wo ŵecheŵandapapike, chingana nkhuchitapo so kanthu kamampha pamwenga kaheni, alinga kuti chitema chaku Chiuta kwakuyana ndi kasankhidu chijaririye, kutuwa ku zinchitu cha, kweni kwaku yo wadana,

Marko 13:22

Chifukwa ŵakayukanga ŵanthu ŵanyake wo ŵajiŵikengemo kuti ndiwo Kristu, ndi ŵanyake kuti mbamchimi, ndipo ŵapaskenge visimikizgu ndi minthondwi kwachirandizga ŵakusankhika nawo (asani nchamachitika).

Marko 13:20

Ndipo asani Ambuya awurengevi kufupikiska mazuŵa gho, mphanyi kuti yatinge yipozomoskekenge cha nyama ye yose: kweni pa chifwa cha ŵakusankhika wo ŵakusankha, ŵakufupikiska mazuŵa gho.

Mateyu 24:22

Ndipo asani ghengavi kufupiskika mazuŵa gha, mphanyi kuti chingana njumoza watinge wataskikenge cha: kweni chifukwa cha ŵakusankhika ghafupiskikenge mazuŵa gha.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Yesaya 65:22

Kuti ŵakazenganga ndi kujamo munyake cha; kuti ŵakapandanga kuti warghenge ndi munyake cha; pakuti nge ndi mo ghaliri mazuŵa gha muti ndimu ghakaŵiyanga mazuŵa gha ŵanthu ŵangu, ndipo ŵakusankhika ŵangu ŵakakondwanga nyengo yitali ndi nchitu ya manja ghawo.

Yesaya 65:9

Ndikatuzganga mphapu mwaku Yakobe; ndi mwaku Yuda wakuhara mapiri ghangu; ŵakusankhika ŵangu ŵakaharanga, ŵateŵeti ŵangu ŵakajanga mwenimuwa.

Yesaya 45:4

Chifukwa cha mteŵeti wangu Yakobe, ndi Yisraele wakusankhika wangu, nditikudana zina lako iwe, nditukupaska chiwongu, chingana iwe ureke kundiziŵa.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

2 Yohane 1:13

Ŵana ŵamku winu wakusankhika wakutauzgani.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

1 ŴaKorinte 13:4

Chanju chilekerezga, ndipo ncha ulemu, chanju kuti chiŵiniwa cha; chanju kuti chijirumba cha;