11 Kweniko kuti kukaŵanga muGriki ndi muYuda cha, muchinju ndi wakuura-muchinju, muheriheri, muSkutia, muŵanda, mwanangwa: kweni Kristu ndiyo ndi vyose mwaku vyose.
Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.
Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.
ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.
Ine ndine mphereska yo, imwe mwe mphanda zo; wakujaririya mwaku ine, ndi ine mwaku iyo, mweniyo ndiyo wapasa vinandi: chifukwa kwambura ine kuti muziŵa kuchita kanthu cha.
Ndipo ŵaheriheri po ŵanguwona chirwani cho chadoromoka pa janja lake, ŵanenerananga, “Nadidi munthu mwenuyu ngwambanda, mweniyo chingana wapozomoka ku nyanja, ndikweni thayulirive kumzomerezga kuŵa wamoyo.”
Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.
Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.