ŴaKolose 3:1 - Tonga Bible 1986

¹ Viyo asani mwayuskika pamoza ndi Kristu, lembeni vya kuchanya, kweniko kwe Kristu, wakujariya ku janja lamarghe laku Chiuta.

ŴaKolose 3:1 Referans Kwoze

ŴaRoma 8:6

Asani vinjeru vyako virongozgeka ndi vyo kaŵiro ka unthu kakhumba, vikakurongozgiyanga ku nyifwa, kweni asani vinjero vyako virongozgeka ndi vyo Mzimu ukhumba vikakurongozgiyanga ku umoyo ndi chimangu.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

2 ŴaKorinte 4:18

Tichidaŵira ifwe vyakuoneka cha, kweni vyambura kuwoneka; chifukwa vyakuwoneka vye vyanyengo; kweni vyambura kuwoneka vyamuyaya.

ŴaKolose 3:2

Ghanaghaniyani vya kuchanya, vyapanupasi cha.

Mateyu 6:20

Kweni mujiŵikiye mbiku kuchanya, kweniko nyenji chingana ndi murozu kuti vitananga cha, kweniko ŵankhungu kuti ŵabukutuwa chingana nkhuba cha,

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

Luka 22:69

Kweni kutuwa ku sono Mwana wa munthu wajariyenge pasi ku marghe gha nthazi yaku Chiuta.”

ŴaKolose 2:20

Mungufwiya pamoza ndi Kristu, viyo nthazi ya charu yirivi mtufu paku imwe. Chifukwa nchine nanga mweche kuja nge mwe ŵa charu? Mweche kujithereska ku marangu nge ngakuti:

ŴaHebere 8:1

Kweni mwaku vyenivyo vyakambika fundu yeneko njeniyi: te nayo Mzukuru Mura waviyo, mweniyo waja pasi ku marghe gha chitengu chaufumu ukurukuru mu machanya,

ŴaRoma 8:34

Kristu Yesu ndiyo wangufwa, inya, ndiyo wanguyuskika ku ŵakufwa mweniyo we ku marghe ghaku Chiuta, mweniyo nayo waninizikiya pa chifukwa chidu.

ŴaHebere 10:12

kweni mwenuyu, wanguti wapereka sembe yimoza yapa chifukwa cha vilakwa, wangujariya pasi ku marghe ghaku Chiuta muyaya;

Mateyu 26:64

Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.”

ŴaEfeso 4:10

Mweniyo wangusika ndiyo mweniyo wangukwere so kuchanya limu ku machanya ghose, alinga wazaze vyose.)

Marko 14:62

Ndipo Yesu wanguti, “Ndine: ndipo mukawonanga Mwana wa munthu kuja ku janja la marghe la Nthazi, ndi kuza pa mitambo ya kuchanya.”

ŴaHebere 1:13

Ndipo nkhwaku yani wamu ŵangelo wanene kali, “Ja kwangu ku marghe, Mpaka ndaŵika ŵamawongu ŵako nge nchitengu cha marwayo ghako?”

Machitidu gha Ŵakutumika 2:34

Chifukwa kuti Davidi wangukweriyako kuchanya cha: kweni iyo mweneko watiti, ‘Ambuya angumnene Mbuya wangu, Janiku ku marghe ghangu,

Luka 20:42

Chifukwa mweneko Davidi mu buku la Sumu watiti, ‘Mbuya wanguti ku mbuyangu, Ja ku marghe ghangu;

Marko 16:19

Viyo ndipo Ambuya Yesu, pavuli pa kurongoro nawo, wangurondeke kuchanya, ndipo wangujariya pasi ku janja lamarghe laku Chiuta.

Marko 12:36

Davidi iyo wangunena pakututuzgika ndi Mzimu Wakupaturika, ‘Ambuya ŵangunene Ambuyangu, uje ku marghe ghangu, mpaka po ndaŵika ŵarwani ŵanu pasi pa marundi ghinu.’

1 Petro 3:22

mweniyo we ku marghe ghaku Chiuta, wati waruta kuchanya, pakuthereskeke kwaku iyo ŵangelo ndi mitufu ndi Vyanthazi.

Machitidu gha Ŵakutumika 7:55

ndipo ŵamkekechuliyanga minyu. Kweni iyo, pakuzazika Mzimu Wakupaturika wachilereska kuchanya, wanguwona unkhankhu waku Chiuta, ndi Yesu wakuma ku marghe ghaku Chiuta,

Mateyu 22:44

‘Mbuya wamnene Mbuyangu, Uje ku janja langu la marghe, mpaka po ndiŵika ŵarwani ŵako kusi ku marwayo ghako?’

Nthanthi 15:24

Gurwi wa ŵazeru warongozge kuchanya ku umoyo, alinga wapambane ndi muunda wa pasi,

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Wakutaula 10:2

Mtima wa munthu wavinjeru ukaniriya ku janja lake la marghe, kweni mtima wa wakupusa ukaniriya ku la maze.

ŴaEfeso 5:22

Mwaŵanthukazi mwe, jithereskiyeni ku ŵarumi ŵaku mwija, nge nkhu Ambuya.