ŴaKolose 2:8 - Tonga Bible 1986

⁸ Thoŵani vinu munthu wangamuskowani mu zeru ndi fuzi yaŵakaŵaka, uli ndi mdauku wa ŵanthu, uli ndi vyamtendeku vya mizimu ya charu, ndipo uli nkhwakuyana ndi Kristu cha.

ŴaKolose 2:8 Referans Kwoze

1 Timote 6:20

Timote we, sungirizga chakupazgika cho; pambukako ku makani ghamtonyoru ndi kuvimikiranu vya mziŵiru wo, weniwo utamulika viyo kwautesi;

ŴaEfeso 5:6

Wangamfuvyani cha munthu yumoza ndi mazu ghaŵaka: pakuti chifukwa chaku vyenivi katuziya kandundu kaku Chiuta pa ŵana ŵa mtafu.

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

ŴaGalatia 4:9

Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi?

ŴaKolose 2:20

Mungufwiya pamoza ndi Kristu, viyo nthazi ya charu yirivi mtufu paku imwe. Chifukwa nchine nanga mweche kuja nge mwe ŵa charu? Mweche kujithereska ku marangu nge ngakuti:

2 Timote 3:13

Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika,

Yeremiya 29:8

Pakuti atiti viyo Ambuya ŵa maŵanja, Chiuta waku Yisraele: Mungaŵazomerezanga nga cha ŵamchimi ndi ŵakombeza ŵinu wo ŵe mukati mwinu kukupusikani imwe; ndipo mungategherezganga ku maloto gho ŵalota cha,

2 Petro 3:17

Viyo imwe, mwaŵakwanjiwa, pakuziŵiya limu vyenivi, jikhazgiyeni vinu, pakugumizgika ndi urandizgi wa ŵazira-marangu, mungadezukako ku ukhozgi waku mwija.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

2 Yohane 1:8

Mujilereske kuti mungataya cha vyenivyo mwatakatakiya, kweni kuti muronde mphotu yakuzara.

ŴaGalatia 4:3

Viyo ifwe nafwe, tenga teche ŵamjedu, tenga ŵaŵanda pasi pa vyamtendeku vyacharu:

2 ŴaKorinte 10:5

chifukwa tibwanganduwa zimphindanu ndi chiguŵisku chose chakujitumphuska kumikana ndi mziŵiru waku Chiuta, ndikuto ghanaghano lose kuligumizgiya mu umkoli waku mvwiyu waku Kristu,

ŴaKolose 2:18

mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

1 Petro 1:18

pakuziŵa kuti munguwomboleka, ndi vyakuwo cha, ndi siliva pamwenga golide cha, ku kajaridu kinu kauvumbwa kakurondeka ku ŵauskemwe,

ŴaRoma 16:17

Ndipo ndikuŵeyereni, mwa ŵabali, kuŵathoŵa wo mbakuchita vigaukanu ndi viguŵisku, kwakumikirana ndi chisambizgu chenicho mungusambira: ndipo ŵapambukeni wo.

ŴaEfeso 4:20

Kweni imwe mwengavi kusambira viyo Kristu;

ŴaGalatia 1:14

ndipo mu chi Yuda cho ndarutiriyanga kwakuruska ŵanandi ŵanthanga mu fuku langu, pakuŵa warwana kwakuruska mu miyambu ya ŵaseku.

ŴaFilipi 3:2

Cheŵani nawo ŵagaru wo, cheŵani ndi ŵanchitu ŵaheni, cheŵani ndi ŵakujichinja ku liŵavu,

Marangu 6:12

chenjeni vinu mungachiruwa Chiuta, mweniyo wakumutuzgani mu charu cha Egipiti, munyumba ya uŵanda.

Mateyu 16:6

Ndipo Yesu wanguŵanene, “Cheŵani ndi chenjeni pa mtupu wa ŵaFarisi ndi ŵaSaduki.”

Mateyu 10:17

Kweni ŵacheŵeni ŵanthu: chifukwa ŵamkomboleninge ku maupu, ndipo mu masinagoge ghawo ŵamkumukwechuwani,

ŴaKolose 2:22

Vinthu vyenivi vimara pa titakataka navyo; vinthu ivi ndi visambizgu ndi marangu gha ŵanthu.

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

Machitidu gha Ŵakutumika 17:18

Ndipo ŵanyake ŵanjazeru ŵaEpikuro ndi ŵaStoa ŵangukumana nayo. Ndipo ŵanyake ŵatinge, “Wangakambanji mbwebweta uyu?” Ndi ŵanyake, “Wawoneka kuŵa mtaula wa vyachiuta vilendo;” chifukwa wataulanga Yesu ndi chiyuka cho.

Machitidu gha Ŵakutumika 17:32

Kweni pakuvwa ndi chiyuka cha ŵakufwa, ŵanguwera ŵanyake; kweni ŵanyake ŵanguti, “Tikuvwenge panyake so vyapaku chenichi.”

Sumu ya Zisumu 2:15

Tikoliyeni ŵakambwe, ŵakambwe ŵamanaŵamana, wo ŵananga minda ya mphereska, pakuti minda yidu ya mphereska ye ndi maluŵa.”

1 ŴaKorinte 8:9

Kweni cheŵani vinu mtufu winu uwu ungaŵiya chiguŵisku kwaku ŵeniwo mbadomboto,

1 ŴaKorinte 10:12

Viyo yo ngwakujipima kuti watuma, wacheŵe vinu wangawa.

ŴaGalatia 5:15

Kweni asani murumana ndi muturghan, cheŵani vinu mungamarizgana.

ŴaKolose 2:23

Marangu yagha ghawoneka nge ngatuwa ku vinjeru mu nthowa yo wachichizgiya ŵanthu kujipereka ndi kujiyuyuwa mu kuphwere liŵavu weniukongwa, kweni kuti vitovya cha pakurunjiska makhumbu gha liŵavu.

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.