ŴaKolose 2:20 - Tonga Bible 1986

²⁰ Mungufwiya pamoza ndi Kristu, viyo nthazi ya charu yirivi mtufu paku imwe. Chifukwa nchine nanga mweche kuja nge mwe ŵa charu? Mweche kujithereska ku marangu nge ngakuti:

ŴaKolose 2:20 Referans Kwoze

ŴaKolose 2:8

Thoŵani vinu munthu wangamuskowani mu zeru ndi fuzi yaŵakaŵaka, uli ndi mdauku wa ŵanthu, uli ndi vyamtendeku vya mizimu ya charu, ndipo uli nkhwakuyana ndi Kristu cha.

ŴaKolose 2:16

Viyo wareke munthu kumweruzgiyani kuchiri ku kurgha, pamwenga kukumwa, pamwenga ku dghera, pamwenga ku mwezi ufya, pamwenga ku masabata.

ŴaGalatia 4:3

Viyo ifwe nafwe, tenga teche ŵamjedu, tenga ŵaŵanda pasi pa vyamtendeku vyacharu:

ŴaKolose 2:14

wati wasisita chikoli cho paku ifwe chakurembeka mu langulu, cho chingupindikana nafwe: chenicho so watuzgamo mukati mwidu, pakuchikhoma ku mphinjika yake;

1 Yohane 5:19

Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

2 ŴaKorinte 10:3

Chifukwa chingana tija mu charu kuti titurwa nkhondo ya charu cha,

Yohane 15:19

Asani mwenga ŵa charu ichi, mphanyi charu chamwanjani nge mbanthu ŵapa mtima wake: kweni chifukwa kuti mwe ŵa charu cha, ine ndakusankhani mu charu, chifukwa chenichi chikutinkhani charu cho.

ŴaEfeso 2:15

wati wakotole limu mu liŵavu lake umawongu wo, chilangulu nacho cha marangu ghakulamulika; alinga kuti mwaku yija waŵalenge wo ŵaŵi munthu yumoza mufya, ndi kuchata viyo chimangu;

ŴaKolose 3:3

Chifukwa mungufwa, ndipo umoyo winu wabisikiya pamoza ndi Kristu mwaku Chiuta.

ŴaKolose 2:21

“Ungakonga chenicho cha, Ungalaŵanga ichi cha, Ungakwaskanga chiya cha!”