ŴaKolose 2:15 - Tonga Bible 1986

¹⁵ wati wabwanganduwa maufumu ndi mitufu, wanguvirongole pakweru, pakuvipundiya mwaku iyo mweneko.

ŴaKolose 2:15 Referans Kwoze

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

ŴaEfeso 4:8

Viyonthu watiti, “Penipo wangukwere so kuchanya, wanguyora liŵanja la ŵamikoli, ndipo wangupaska mipasku ku ŵanthu.”

Mateyu 12:29

Pamwenga munthu wangaziŵa uli kusere mu nyumba ya wanthazi, ndi kuskoŵa vyuma vyake, kwambura kuti wadanga chamanga munthu wanthazi yo? Penipo ndipo waskoŵenge nyumba yake.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

ŴaEfeso 6:12

Pakuti limbanu lidu kuti le ku ŵanthu cha, kweni ndi maufumu, ndi mitufu, ndi ŵakuwusa charu ŵa mdima wamakono, ndi vya mzimu vya uheni mu vyakuchanya.

Yohane 16:11

ndipo pa cheruzgu, chifukwa mura yo wa charu chino weruzgika.

Luka 10:18

Kweni wanguti kwaku wo, “Ndawonanga Satana yo kumbotoka ulaka ndi limphezi la kuchanya.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Sumu 68:18

Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

ŴaKolose 1:16

Pakuti mwaku iyo vingulengeka vinthu vyose, vya kuchanya ndi vyapa charu, vyakuwoneka ndi vyambura kuwoneka, pamwe vitengu vyaufumu, pamwe maumbuya, pamwe maufumu, pamwe mitufu; vyose vyo vikulengeke mwaku iyo, ndi kwaku iyo.

Luka 11:22

Kweni asani wanthazi kwaku iyo waziya pake ndi kumgoda, waphanga vidya vyake mwaku vyo wagomezga ndipo miskowu yake wagaŵa.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Yohane 19:30

Viyo penipo Yesu wanguronde vinyo yo, wanguti, “Kwamare!” Ndipo wangupendeka mutu wake wangufwa.

1 ŴaKorinte 15:24

Pavuli po pe umari, penipo wampereka ufumu wo kwaku Chiuta Dada iyo, penipo wamwayuwa ura wose ndi mtufu wose ndi nthazi.

2 ŴaKorinte 2:14

Kweni chiwongu chiŵiye Chiuta, mweniyo watipundiskiya nyengo zose mwaku Kristu, ndi wasapatiskiya mu malo ghose fungu la chiziŵisku chake mwaku ifwe.

ŴaEfeso 3:10

mwakuti sono zeru ya mtundumtundu yaku Chiuta yiziŵikwiye mu eklesiya ku miwusu ndi mitufu yo ye mu malo ghakuchanya;

ŴaKolose 2:10

ndipo mwe ŵakuzazika mwaku iyo, mweniyo ndi mutu wa ufumu wose ndimtufu.