ŴaKolose 2:13 - Tonga Bible 1986

¹³ Ndipo imwe, mwaŵakufwa mu mamphuru ndi uura muchinju wa liŵavu linu, wangumuchitiyani imwe ŵamoyo pamoza nayo, pakutireke mamphuru ghidu ghose;

ŴaKolose 2:13 Referans Kwoze

ŴaEfeso 2:1

Imwe namwe mwenga ŵakufwa mu mamphuru ndi maulakwi,

ŴaRoma 8:11

Asani Mzimu waku Chiuta yo wanguyuska Yesu ku nyifwa, waja mwaku imwe, viyo yo wanguyuska Yesu ku nyifwa, wakapaskanga so umoyo ku maliŵavu ghino ghachifweni pakuŵa mu Mzimu mwaku imwe.

2 ŴaKorinte 3:6

Mweniyo so watenereska kuŵa ŵateŵeti ŵa chipanganu chifya, cha lembo cha, kweni cha mzimu; chifukwa lembo lo libaya, kweni Mzimu ndiyo wapaska umoyo.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

2 ŴaKorinte 5:19

nge nkhuti Chiuta wenga mwaku Kristu wakwanjaniskiya charu kwaku yija, wakuŵapimiya vilakwa vyawo cha, ndi wakutipazgiya ifwe mazu gha chanjanisku cho.

ŴaEfeso 2:11

Viyo kumbukani kuti kali imwe, mwa ŵaMitundu kuchiri ku liŵavu, ŵakuzumbulika ŵambura kuchinjika ndi cho chizumbulika Mchinju mu liŵavu, wakuchitika ndi manja,

Luka 15:32

Kweni kungwenere kukondwere ndi kumwemwete: pakuti uyu mhurwa wako wenga wakufwa, ndipo wawere mu umoyo; wenga wakutayika, ndipo wabowozgeka.’ ”

Luka 15:24

pakuti uyu mwana wangu wenga wakufwa, ndipo wawere ku umoyo; wenga wakutayika, ndipo wabowozgeka.’ Ndipo ŵangwamba kukondwere.

Sumu 71:20

Imwe mwanditumiya suzgu ndi vyakupweteka, kweni mukandisisipuskanga so; kutuwa ku ndimba za charu chapasi; imwe mukandisoskiyanga so pachanya.

Yakobe 2:26

Chifukwa uli ndimo liŵavu lo pade pa mzimu ndakufwa, viyo chivwanu nacho pade pa milimu nchakufwa.

ŴaEfeso 5:14

Viyo watiti, “Yuka iwe, wakura tulo, ndipo yukanga ku ŵakufwa, ndi wakuwaliyenge Kristu.”

1 ŴaKorinte 15:45

Viyo so kwalembeka, “Munthu wakudanga yo Adamu, wanguŵa mzimu wakututa”; Adamu wakumariya yo wanguŵa mzimu wakupaska umoyo.

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

1 Yohane 2:12

Ndikulembiyani, mwatwana twangu, chifukwa vilakwa vinu vyarekeke imwe pa chifwa cha zina lake.

1 ŴaKorinte 15:36

Mzereza we, cho umija iwe kuti chingasanduskika chamoyo cha, kwambura kuti chadanga chafwa.

Yohane 5:21

Chifukwa uli ndimo Dada wayuskiya ŵakufwa ndi kuŵasanduska ŵamoyo, viyo Mwana nayo waŵasanduskenge ŵamoyo ŵeniwo wakhumba.

Luka 9:60

Kweni wanguti kwaku iyo, “Reka ŵakufwa wo kuŵika ŵakufwa ŵaku ŵija; kweni iwe ruta memeza ufumu waku Chiuta.”

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Sumu 119:50

Nanga ndi mu suzgu yangu ndinguŵa wakusangaruka, chifukwa phanganu linu likundipaska umoyo.

ŴaHebere 6:1

Viyo pakusiya mazu ghakutendeka gho ghaku Kristu, titinthimikiye ku mfisku wo; kujarika so cha chiŵanja cha chipe cha kutuwako ku nchitu zakufwa, ndi cha chivwanu chamwaku Chiuta,

1 Timote 5:6

Kweni cho chitechitechi chafwa cheche chamoyo.

ŴaRoma 4:17

uli ndimo kwalembeke, “Ndakuŵika wiskeu wa mitundu yinandi,” paurongo paku Chiuta, mwaku mweniyo wanguvwaniya, mweniyo so wasanduska ŵakufwa ŵaŵe ŵamoyo, ndi wadana vyambura kuŵapo, ulaka nge vyengapo.

Yohane 6:63

Mzimu ngwakupaska umoyo; liŵavu kuti litu vya kanthu cha; mazu gho ndarongoro namwe ndigho mzimu, ndipo ndigho umoyo.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Yakobe 2:20

Kweni unkhumba kuziŵa ati, wamunthu we wambughuya, kuti chivwanu pade pa milimu nchaŵaka?

Yakobe 2:17

Viyo chivwanu mwakucho, asani chirive milimu nchakufwa mwaku chija.

1 Timote 6:13

Ndikulanguliya pa maso ghaku Chiuta, wakupaska vyose umoyo, ndi ghaku Kristu Yesu, mweniyo wangusimikizgiya paurongo paku Pontio Pilato chizomerezgu cho cheneko,

Sumu 32:1

Ngwakutumbikika yo kwagowokereka kwananga kwake, mweniyo kulakwa kwake kwawundika.

ŴaKolose 2:12

mwati mwaŵikikiya pamoza nayo mu ubatizo, mwenimo so munguyuskikiya pamoza nayo mu chivwanu chamu kachitiru kaku Chiuta, mweniyo wangumuyuska ku ŵakufwa.