ŴaHebere 9:4 - Tonga Bible 1986

⁴ chakuŵa ndi chisoperu cha golide chachema, ndi bokosi lo la chipanganu lakumatika kosekose ndi golide, mwaku lenilo mwenga msuku wa golide mwaku wo mwengamana, ndi ndodo yo yaku Aroni yo yatundanga, ndi viŵaraŵaja vyo vya chipanganu;

ŴaHebere 9:4 Referans Kwoze

Maŵerengedu 17:10

Ambuya angunena ndi Mosese, “Wezgiyapo ndodo yaku Aroni paurongo pa chisimikizgu, yisungikiye kuŵa chakuwoniyapo ku ŵakugaruka, kuti umare madinginiku ghawo kumikana ndi ine, vinu ŵangafwa.”

2 Mikoka 5:10

Mwengavi kanthu mu bokosi kweni mya yiŵi ya vipapati yo Mosese wanguŵika ku Horebu penipo Ambuya angupangana phanganu ndi ŵaYisraele ŵachituwa ku Egipiti.

ŴaLevi 16:12

Ndipo wakatonga zinga lakuzaza ndi maka gha moto ghakutuwa pa jochero paurongo pa Ambuya, ndi vyakusunkhizga vya fungu la mampha kuzaza manja ghaŵi, vyakuchita kusila, wakaserenga navyo kurutiya chivwinkhu,

Chituwa 40:3

Ndipo mukaŵikangamo bokosi la ukaboni, ndipo mukachinganga bokosi ndi chivwinkhu.

Chituwa 26:33

Mukapayikanga chivwinkhu ku vyakukoloŵeke, ndipo mukatolenga bokosi la phanganu mukati mu chivwinkhu; ndipo chivwinkhu cho chikamupaturiyaninga malo ghakupaturika ku malo ghakupaturika kwakuruska.

Maŵerengedu 17:5

Ndipo ndodo ya munthu yo ndikamusankhanga yikamenga; umu ndimo ndimariskeyenge madinginiku gha ŵaYisraele, gho ŵadinginikiya paku iwe.”

Chituwa 34:29

Penipo Mosese wangusikako ku phiri Sinai, ndi vipapati viŵi vya phanganu mu janja lake wachisika ku phiri lo, Mosese wengavi kuziŵa kuti khungu la chisku chake linguŵala, chifukwa wakambanga ndi Chiuta.

Chivumbuzi 8:3

Ndipo wanguza mungelo munyake, yo wanguma pa jochero, wakuŵa ndi supa ya chema ya golide; ndipo kungupaskika kwaku iyo vyema vinandi, alinga wavisazge pamoza ndi marombu gha ŵakupaturika wose pachanya pa jochero la golide paurongo pa chitengu-chaufumu cho;

1 ŴaKaronga 8:21

Ndipo mwenimuwa ndaŵikamo malo ghakujamo bokosi, mwenimo mwe phanganu la Ambuya lenilo anguchita ndi auskefwe, anguti aŵatuzga mu charu cha Egipiti.”

1 ŴaKaronga 8:9

Mubokosi la phanganu mwengayi kanthu kweni magome ghaŵi gha mya gho wanguŵikamo Mosese pa Horebi, pa malo ghenigho Ambuya anguchita phanganu ndi khamu laku Yisraele, ŵanguti ŵatuwa mu charu cha Egipiti.

1 ŴaKaronga 7:50

vyandi, visunda, mabeseni, mbali za vyachema, vyakupinguyapo moto, vya golide leneko, ndi mazinga gha golide gha visasa vya mukati ukongwa mwa nyumba, malo ghakupaturika ukongwa, ndi vya visasa vya nyumba ya pakati-kati pa kasopi.

Maŵerengedu 17:8

Sono ndi mlenji Mosese wanguruta mu hema la chisimikizgu; ndipo wanguwona, ndodo yaku Aroni ya nyumba yaku Levi yingume ndi kubuska mani, yinguwoneska maluŵa, ndi kupasa vipasi vyakufya.

Chituwa 39:35

bokosi la ukaboni ndi miti yake ndi chitengo cha lisungu;

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

Chituwa 32:15

Ndipo Mosese wangung'anamukako ndi wangusika ku phiri ndi vipapati viŵi vya mya ya marangu mu manja ghake, vipapati vyo vingulembeka kose kose; kurweka limoza ndi kurweka linyake.

Chituwa 37:25

Wanguchita chiguwa cha vya chema cha muti wa mlombwa; utali wake wenga mukono umoza, ndi usani wake wenga mukono umoza; chenga chakuyana, ndi musinkhu wake wenga mukono umoza; masengwe ghake ghenga chiŵaru chimoza ndi icho.

Marangu 9:9

Po ndingukwere mu phiri kwachironda mya ya vipapate, mya ya phanganu lo Ambuya anguchita ndi imwe, ndingujako mazuŵa machumi ghanayi (40) ku phiri, msana ndi usiku, kuti ndingurgha chiŵande cha, chingana nkhumwa maji cha.

Marangu 9:11

Ndipo pa umari wa mazuŵa machumi ghanayi (40) ndi mausiku machumi ghanayi (40) Ambuya angundipaska mya ya vipapate yiŵi, mya yakurembekapo phanganu.

Chivumbuzi 11:19

Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.