ŴaHebere 9:11 - Tonga Bible 1986

¹¹ Kweni Kristu, pakuza ngendi mzukuru mura wa vinthu vyamampha vyakukhasa kuza, mu chihema cho chikuruka ndi chakufiskikaka, chakwatika ndi manja cha, ndikwesa kuti, cha kalengekedu kano cha, chingana ndi mu ndopa za vyaphongu ndi matholi cha, kweni mu ndopa zaku Yija.

ŴaHebere 9:11 Referans Kwoze

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

ŴaHebere 10:1

Chifukwa, pakuti dangu lo le ndi chizgezge cha vyamampha vyo vituza, chikozgu cheneko cha vinthu vyo cha, muyaya liuravi nthazi ndi visopu vyenivyo pe, vyo chirimika ndi chirimika ŵapereke rutaruta, kuŵafiska ŵakuŵandikako.

Marko 14:58

“Ifwe tingumuvwa wachikamba kuti, ‘Ine nkhabwanganduwanga kasopi uyu wakuzengeka ndi manja, ndipo mu mazuŵa ghatatu nkhazenganga munyake wambura kuzengeka ndi manja.’ ”

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

ŴaHebere 2:17

Viyo na wangwenere mwaku vyose kulinganizgika ku ŵabali ŵake, alinga kuti waŵiye kuchiri kwaku Chiuta mzukuru mura walisungu ndi wamagomekezgeka, kwachipepeske pa vilakwa vya ŵanthu.

Machitidu gha Ŵakutumika 7:48

Ndikweni kuti wamumachanya waja mu nyumba zakuzengeka ndi manja cha; uli ndimo wanene mchimi yo,

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

Yohane 4:25

Wamnene munthukazi, “Ndiziŵa kuti watuza Mesiya (wakutamulika Kristu) penipo waza iyo, wazamkutitauliya pakweru vinthu vyose.”

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Sumu 40:7

Sono ndinguti, “Ehe, ndaza; mu chizinga cha buku mukurembeka vya paku ine.

ŴaHebere 7:1

Pakuti mwenuyu Melkizedeke, karonga waku Salemu, mzukuru waku Chiuta wamdengwedi, mweniyo wangukumana ndi Abrahamu wachiwe ku kubaya ŵakaronga, ndi wangumtumbika,

Yesaya 59:20

“Ndipo akazanga ku Zioni uli ndi Muwombozi, kwaku wo ŵaweko ku utimbanizi mwaku Yakobe,” atiti Ambuya.

ŴaHebere 4:15

Chifukwa kuti te nayo cha mzukuru Mura wambura nthazi kuvwiyapo nafwe mu maunthomboru ghidu; kweni yo weseka mwaku vyose kwakulingana nafwe, kweni kwambura vilakwa.

ŴaKolose 2:11

Mwaku mweniyo so mwachinjikiya ndi muchinju wakuchitika ndi manja cha, pa kuzuwa liŵavu la nyama, mu mchinju wo waku Kristu;

Mateyu 11:3

wakufumba, “Kumbi imwe ndimwe yo watuza, pamwenga tilereziyenge munyake?”

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Yeremiya 33:8

Ndikaŵasukanga ku mlando wa uheni wawo wose wa paku ine, ndipo ndikagowoliyanga uheni wose wa kugarukiya ine.

2 ŴaKorinte 4:18

Tichidaŵira ifwe vyakuoneka cha, kweni vyambura kuwoneka; chifukwa vyakuwoneka vye vyanyengo; kweni vyambura kuwoneka vyamuyaya.

ŴaHebere 12:27

Ndipo mazu yagha, “Kamoza so,” ghasimikizga katuzgikidu ka vyakusukunika, ulaka nkhaku vyo vyakwatika, alinga kuti vikajaririyanga vyambura masukunika vyo.

ŴaHebere 13:14

Chifukwa panu tirive muzi wakujaririya, kweni tiupenja wo utuza.