ŴaHebere 8:8 - Tonga Bible 1986

⁸ Chifukwa pakuŵasuska watiti, “Awonani, mazuŵa ghatuza, atiti Ambuya, ndipo ndifiskenge ku nyumba yaku Yisraele ndi ku nyumba yaku Yuda chipangano chifya:

ŴaHebere 8:8 Referans Kwoze

ŴaHebere 12:24

ndi kwaku Yesu, mwendapakati wa chipanganu chifya, ndi ku ndopa za chiwazga, zo zikamba ghamamphako kwakuruska zaku Abelu.

Yeremiya 32:40

Ndikapangananga nawo phanganu la muyaya, lakuti ine kuti ndikatuwangako cha ku kuŵachitiya umampha iwo; ndipo ndikaŵikangamo kopa mu mitima yawo, ndipo kuti ŵakatuwangako cha kwangu.

ŴaHebere 9:15

Ndipo pa chifukwa chenichi ndiyo mwendapakati wa chipanganu chifya, viyo kuti yati yaŵapo nyifwa yakwachipepeske pa maujumphi ghapa chipanganu chakudanga wo ŵadanika ŵarondenge phanganu lo la chihara chamuyaya cho.

2 ŴaKorinte 3:6

Mweniyo so watenereska kuŵa ŵateŵeti ŵa chipanganu chifya, cha lembo cha, kweni cha mzimu; chifukwa lembo lo libaya, kweni Mzimu ndiyo wapaska umoyo.

1 ŴaKorinte 11:25

Viyo so nkhombo nayo, pavuli pa koneska, wakuti, “Nkhombo iyi ndi phanganu lifya mu ndopa zangu; chenichi chitani, penipo pose mutumwa, kwachikumbuka ine.”

Luka 22:20

Viyo so jomera nalo pavuli pa koneska, wakuti, “Jomera lenili nchipanganu chifya mu ndopa zangu, zakudikiya pa chifwa chaku imwe.]

Ezekiele 37:26

Ndikapangananga nawo phanganu la chimangu; likaŵanga phanganu la muyaya ndi iwo; ndiŵatumbikenge ndi kuŵandaniska ndipo ndikajarikanga malo ghangu ghakupaturika mukati mwawo muyaya.

Yeremiya 31:38

“Ehe, ghatuza mazuŵa atiti Ambuya, penipo msumba ukazengekiyanga so Ambuya, kwamba ku sonjo waku Hananele kwachifika ku Likomo lapa Chisongo.

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Marko 14:24

Ndipo wanguŵanene, “Chenichi ndi ndopa zangu, za phanganu, zakudikiya pa ŵanandi.

Yeremiya 31:27

“Ehe, mazuŵa ghakazanga, atiti Ambuya, penipo ndikapandanga nyumba yaku Yisraele ndi nyumba yaku Yuda ndi mbuto ya munthu ndi mbuto ya nyama.

Yeremiya 30:3

Pakuti ehe, mazuŵa ghakazanga, atiti Ambuya, penipo ndikawezgiyanga umampha ŵanthu ŵangu, Yisraele ndi Yuda, atiti Ambuya, ndikaŵawezgiyanga ku charu chenicho ndingupaska auskeu, ndipo chikaŵanga chawo.”

Yeremiya 23:7

“Chifukwa cho, ehe, mazuŵa ghakazanga, atiti Ambuya, penipo ŵanthu kuti ŵazamukamba so cha kuti, ‘Mo aliri Ambuya amoyo wo ŵangutuzga Yisraele mu charu cha Egipiti,’

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Luka 17:22

Ndipo wanguti ku ŵasambizi, “Ghazenge mazuŵa, penipo munwekiyenge kuona limoza la mazuŵa gha Mwana wa munthu, ndipo kuti mulionenge cha.

Mateyu 26:28

chifukwa ili ndi ndopa zangu za chipanganu chifya, zakudikiya pa chifwa cha ŵanandi ku chireke cha vilakwa.

Marangu 29:14

Ndipo so phanganu ili ndapangana ndi imwe pe cha;

ŴaHebere 7:22

namu so waŵiya Yesu ndindira ya chipanganu chakuruska.

ŴaHebere 8:6

Kweni sono wafikako ku umirizi wakuzungura, uli ndimo so ndi mwendamukati wa chipanganu chakuruska, chenicho chalangulika pa mapanganu ghakuruska.

ŴaHebere 8:13

Mu kukamba, chipanganu chifya, wakoteska chakudanga cho. Kweni chenicho chakukota ndi nchakukaramba che pafupi kuzirimitiya.

Luka 5:38

Kweni vinyo mufya watenere kupungulikiya mu vikopa vifya.