ŴaHebere 8:11 - Tonga Bible 1986

¹¹ ndipo kuti ŵarunguchizganenge chamunthu yose ndi mwanase wake, ndi munthu yose ku mbali wake, kuti, ‘Ziŵanga Ambuya.’ Pakuti wose ŵakandiziŵanga ine, kutuwa ku mumana mpaka ku mura waku wo.

ŴaHebere 8:11 Referans Kwoze

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

Yohane 6:45

Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Machitidu gha Ŵakutumika 8:10

mweniyo ŵanguphwere wose, ŵamana ndi ŵara, ŵakuti, “Mweniyo ndiyo chanthazi chaku Chiuta, chakutamulika Chikuru.”

Habakuku 2:14

Chifukwa charu chapasi chizazenge ndi mziŵiru wa unkhankhu wa Ambuya, nge ndi maji ghazaza nyanja.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Yesaya 2:3

ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

Ezekiele 34:30

Sono ndipo zikaziŵanga kuti ine, Ambuya Chiuta wawo, nde nazo pamoza, ndi kuti iwo, nyumba yaku Yisraele, mbanthu ŵangu, atiti Ambuya Chiuta.

Ezra 7:25

“Ndipo iwe Ezra, kwakulingana ndi vinjeru vyaku Chiuta wako vyo vye ndi iwe, umike ŵeruzgi ŵa charu ndi ŵeruzgi ŵa milando wo ŵeruzgenge ŵanthu wose ku sirgha liya la msinji, wose wo ŵaziŵa marangu ghaku Chiuta wako, ndipo wo ŵalivi kuziŵa uŵasambizgi.

2 Mikoka 30:22

Ndipo Hezekiya wangukamba kwakuchiska ukongwa ku ŵaLevi wo ŵangurongo vinjeru mu mlimu wa Ambuya. Viyo ŵanthu ŵangurgha kurgha kwa dghera kwa mazuŵa ghankhonde ndi ghaŵi kupereka sembe ya chimangu ndi kupereka viwongo ku Ambuya Chiuta wa auskeu.

Yeremiya 44:12

Ndikatonga ŵakujako ŵaku Yuda wo ŵalazga maso ghawo kuzachija ku charu cha Egipiti; ndipo wose ŵakamaranga ŵakawanga mu charu cha Egipiti; ŵakabayikanga ndi lipanga, ndi chilala; kwamba ku mumana kufika ku mura wakamariya, ŵakafwanga ndi lipanga ndi chilala, ndipo ŵakaŵanga chakutukika, chakofya, thembo, ndi chitozeru.

Yeremiya 6:13

“Pakuti kwamba ku mumana kwachifika ku mura wawo, we yose ndi msusi chifukwa cha chanduwu chakupusika; ndipo kutuwa ku mchimi mpaka ku mzukuru we yose wachita kwakupusika.

Yeremiya 42:1

Sono wose ŵakurongozga maŵanja gha nkhondo, Yohanani mwana waku Kareya ndi Azariya mwana waku Hoshaya, ndi ŵanthu wose kutuwa ku ŵapasi mpaka ku ŵapachanya, ŵangundere pafupi,

Yeremiya 42:8

Sono wangudana Yohanani mwana waku Kareya ndi wose ŵakurongozga maŵanja ŵeniwo ŵenga pamoza nayo, ndi ŵanthu wose kutuwa ku ŵapasi mpaka ku ŵapachanya.