ŴaHebere 7:16 - Tonga Bible 1986

¹⁶ mweniyo wachitika, mwa dangu la langulu lanyama cha, kweni mwa nthazi ya umoyo wambura mamarika.

ŴaHebere 7:16 Referans Kwoze

ŴaKolose 2:20

Mungufwiya pamoza ndi Kristu, viyo nthazi ya charu yirivi mtufu paku imwe. Chifukwa nchine nanga mweche kuja nge mwe ŵa charu? Mweche kujithereska ku marangu nge ngakuti:

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

ŴaHebere 10:1

Chifukwa, pakuti dangu lo le ndi chizgezge cha vyamampha vyo vituza, chikozgu cheneko cha vinthu vyo cha, muyaya liuravi nthazi ndi visopu vyenivyo pe, vyo chirimika ndi chirimika ŵapereke rutaruta, kuŵafiska ŵakuŵandikako.

ŴaHebere 7:28

Chifukwa dangu lo limika ŵanthu nge mbazukuru ŵara, ŵakuŵa ndi udombotu; kweni kambidu lo la kurapa ko, kwapavuli pa dangu lo, limika Mwana, wakufiskikiya muyaya.

ŴaHebere 7:3

wambura wiske, wambura nyina, wambura fuku, wambura chingana nchiyambu cha mazuŵa chingana mbumari wa umoyo, kweni wakulinganizgika ku Mwana waku Chiuta), wajaririya mzukuru ku muyaya.

ŴaKolose 2:14

wati wasisita chikoli cho paku ifwe chakurembeka mu langulu, cho chingupindikana nafwe: chenicho so watuzgamo mukati mwidu, pakuchikhoma ku mphinjika yake;

ŴaGalatia 4:9

Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi?

ŴaGalatia 4:3

Viyo ifwe nafwe, tenga teche ŵamjedu, tenga ŵaŵanda pasi pa vyamtendeku vyacharu:

ŴaHebere 7:21

Pakuti iwo nadi kwambura kurapa ŵaŵa ŵazukuru; kweni iyo ndi kurapa mwaku mweniyo watumkambiya, “Ŵarapa Ambuya, ndipo kuti ŵawererenge cha, ‘Ndiwe Mzukuru ku muyaya,’ ”

ŴaHebere 7:17

Pakuti wasimikizgika, “Ndiwe Mzukuru ku muyaya mwa ndondomeku yaku Melkizedeke.”

ŴaRoma 7:14

Chifukwa tiziŵa kuti chilangulu cho nchamzimu: kweni ine nde wanyama, wakugulika muŵanda ku ulakwi.

ŴaHebere 7:15

Ndipo vyenivyo viwonekadi kwakuruska, asani uli ndi mlinganu waku Melkizedeke wayuka mzukuru munyake,

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?