ŴaHebere 6:4 - Tonga Bible 1986

⁴ Chifukwa kuchiri kwaku ŵeniwo ŵangweruskika kali, ndi ŵangulaŵa mpasku wakuchanya, ndipo ŵangusangana mu Mzimu Wakupaturika,

ŴaHebere 6:4 Referans Kwoze

Mateyu 5:13

“Ndimwe mche wa panupasi: kweni asani mche wasukuruka, ndi chine ukacherekekanga? Kuti ngwanthazi so ku kanthu cha, kweni kutayika kubwaro ndi kupwatikapo ndi marundi gha ŵanthu.

Yohane 15:6

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

Yohane 3:27

Wangwamuka Yohane ndi wanguti, “Kuti munthu wangaronde kanthu cha, kwambura kuti kapaskika kwaku iyo kutuwa kuchanya.

ŴaHebere 10:32

Kweni mujikumbuske ndi mazuŵa ghakundanga, mwenimo, munguti mwangweuskika, mungukunthiyapo mlimbalimba ukuru wa vikomwa,

Mateyu 12:45

Sono uruta ndi utole pamoza nawo mizimu yinkhonde ndi yiŵi yinyake yiheni ku kwakuruska iwo, ndipo yiseremo yijaririya mwenimo: ndipo vyaumari vya munthu yuwa vituŵa viheniku ku vyakudanga vyo. Viyo ndimu so kuŵiyenge ku mgonezi uheni uwu.”

ŴaGalatia 3:2

Chinichi pe ndikhumba kuziŵapo kwinu, kumbi munguronde Mzimu yo ku milimu ya chilangulu, pamwenga ku kuvwa kwa chivwanu?

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.

ŴaHebere 2:4

Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.

1 Timote 4:14

Ungachijowo cha chaulera cho chamwako, chenicho chingupaskika kwaku iwe penipo ŵamchimi ŵangurongoro, ndi ŵara ŵanguŵikapo manja.

Machitidu gha Ŵakutumika 11:17

Viyo asani kwaku iwo Chiuta wangupaska mpasku uli nkhwaku ifwe nafwe, taŵakuvwana mu Ambuya Yesu Kristu, ndenga yani ine, kuti ndimikane ndi Chiuta?”

ŴaEfeso 4:7

Kweni kwaku tose yumoza-yumoza wezi wo ungupaskika kwakuyana ndi mwesu wa mpasku waku Kristu.

ŴaEfeso 3:7

Waku wo ndinguchitika mteŵeti, kwakulingana ndi mpasku wa wezi wo waku Chiuta, weniwo ungupaskika kwaku ine uli nkhachitidu ka nthazi yake.

Machitidu gha Ŵakutumika 10:45

Ndipo ŵakuvwana ŵamu ŵakuchinjika wo wose ŵanguza pamoza ndi Petro, ŵanguzizwa kuti pa ŵaMitundu nawo ungupungulikiya mpasku wo wa Mzimu Wakupaturika.

Machitidu gha Ŵakutumika 8:20

Kweni Petro wangunena nayo, “Siliva wako wayowe nawe pamoza, pakuti warunguruka kwanduliya ndi ndrama mpasku wo waku Chiuta!

Yohane 6:32

Wanguŵanene Yesu, “Nadidi ndikuneneskiyani, kuti ndi Mosese yo wangukupaskani chiŵande cho chakutuwa kuchanya cha; kweni Ada ndiwo atukupaskani chiŵande chenecho chakutuwa kuchanya.

Maŵerengedu 24:3

viyo wanguto ntharika yake, wanguti, “Uneneska waku Balamu mwana waku Beori, uneneska wa munthu yo jiso lake ndakujurika,

ŴaGalatia 3:5

Kumbi mweniyo wakupaskani Mzimu yo, ndi ngwakutataliya mwinu vyanthazi, wachita viyo kutuwa ku milimu ya chilangulu, pamwenga kutuwa mu kuvwa kwa chivwanu?

Machitidu gha Ŵakutumika 15:8

Ndipo Chiuta, mziŵamtima, wanguŵasimikizgiya pakuŵapaska Mzimu Wakupaturika, uli nkhwaku ifwe;

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

2 Timote 4:14

Alekezandara msulasapuli yo wangundichitiya viheni vinandi: Mbuya wamwerezgiyenge kwakuyana ndi nchitu zake:

ŴaRoma 1:11

Chifukwa ndinweka kumwonani, alinga kuti ndikupaskeni chawezi chamzinu, alinga mukhozgeke;

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaLevi 13:55

pavuli wachiwone chinthu cho che ndi nthenda chati chasukika. Asani malo gho ghakoreka ndi nthenda chati chasukika. Asani malo gho ghakoreka ndi nthenda kuti ghasintha mtundu wake cha, chingana nthenda kuti yachapaliya cha, nchakunguzgika chinthu cho; ndipo mukachiwochanga mu moto, nanga malo gho ghakoreka ndi makhate ghe mukati pamwenga kubwalo.

ŴaLevi 14:43

“Asani nthenda yibuka mu nyumba yo, pavuli pakutuzgamo mya ndi kuparapata ndi kuyikuluŵa so,