ŴaHebere 6:2 - Tonga Bible 1986

² cha sambizgu la vibatizo, ndi cha chiŵika cha manja, ndi cha chiyuka cha ŵakufwa, ndi cha cheruzgu chamuyaya.

ŴaHebere 6:2 Referans Kwoze

Machitidu gha Ŵakutumika 6:6

Wo ŵangumika paurongo pa ŵakutumika: ndipo ŵati ŵaromba, ŵanguŵika manja pakuwo.

Machitidu gha Ŵakutumika 24:25

Kweni wachipokoto iyo vyapa urunji, ndi kujitintha ndi cheruzgu cho chikazanga, Feliko wangumbwambwantha, ndi wangwamuka, “Sono rutanga; ndipo ndichiŵa ndi nyengo, ndamkukudana.”

Machitidu gha Ŵakutumika 23:6

Kweni Paulo, wanguti wateska kuti chigaŵa chimoza chenga cha ŵaSaduki, ndi chinyake cha ŵaFarisi, wangukambura mu upu wo, “Mwa ŵabali, ine ndine muFarisi, mwana wa ŵaFarisi: pa chigomekezgu muchiyuka cha ŵakufwa nditeruzgika ine.”

Machitidu gha Ŵakutumika 17:18

Ndipo ŵanyake ŵanjazeru ŵaEpikuro ndi ŵaStoa ŵangukumana nayo. Ndipo ŵanyake ŵatinge, “Wangakambanji mbwebweta uyu?” Ndi ŵanyake, “Wawoneka kuŵa mtaula wa vyachiuta vilendo;” chifukwa wataulanga Yesu ndi chiyuka cho.

Machitidu gha Ŵakutumika 16:33

Ndipo mu ora leniliya la usiku wanguŵato, ndi wangusambiska mbumu zawo; ndipo wangubatizika iyo ndi ŵake wose.

Machitidu gha Ŵakutumika 16:15

Ndipo wachibatizika, ndi nyumba yake yo, wangutiŵeyere, wakuti, “Asani mwanderuzga wamagomekezgeka ku Ambuya, sereni ku nyumba yangu, ndi jani kweniko.” Ndipo wangutikakamizga.

Machitidu gha Ŵakutumika 10:47

Sono wangwamuka Petro, “Kumbi waziŵa yumoza kuŵakaniya maji, kuti ŵareke kubatizika, wo ŵaronde Mzimu Wakupaturika ngendi ifwe?”

Machitidu gha Ŵakutumika 2:41

Viyo ŵeniwo ŵanguronde mazu ghake ŵangubatizika, ndipo kungukuskikiyako kwaku wo mu zuŵa liya mizimu ankhumba vikwi vitatu (3,000).

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Yohane 1:33

Ine nane kuti ndingumziŵa cha: kweni yo wangudituma kwachibatiza ndi maji, ndiyo wangundinene, ‘Paku mweniyo ungawona Mzimu kusoromoka ndi kuja pake, mweniyo ndiyo wabatiza ndi Mzimu Wakupaturika.’

Marko 16:16

Yo wavwana ndi wabatizika wataskikenga; kweni yo wareka kuvwana wasuskikenge.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Wakutaula 12:14

Chifukwa Chiuta wakatoriyanga nchitu yose ku cheruzgu, pamoza ndi kanthu ke kose kakubisika, manyi nkhamampha pamwenga kaheni.

2 Petro 3:7

kweni machanya gho ghasono, ndi mtunda nawo, ndi mazu ghenigho pe vyaŵikikiya ku moto, vyalindizgikiya ku zuŵa la cheruzgu ndi la chanangiku cha ŵanthu ŵambura uwopa Chiuta.

ŴaHebere 11:35

Ŵanthukazi ŵangutondoleka ŵambura kuronde uwombozi; alinga ŵafikepo pa chiyuka chakuruska.

ŴaHebere 9:10

pakuŵa mu vyakurgha ndi vyakumwa ndi masambidu ghamtundumtundu malangulu ghanyama pe, ghakuŵikika mpaka nyengo yakukongore.

2 Timote 2:18

ŵeniwo ŵambwita pa uneneska wo, pakukamba kuti chiyuka chaŵapo kali ndi ŵagadabuwa chivwanu cha ŵanyake,

ŴaKolose 2:12

mwati mwaŵikikiya pamoza nayo mu ubatizo, mwenimo so munguyuskikiya pamoza nayo mu chivwanu chamu kachitiru kaku Chiuta, mweniyo wangumuyuska ku ŵakufwa.

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

1 ŴaKorinte 10:2

ndipo wose ŵangubatizikiya mwaku Mosese, mu mtambo wo ndi mu nyanja yo;

ŴaRoma 2:16

mu zuŵa lenilo Chiuta wamkweruzgiya mwaku Yesu Kristu vibisibisi vya ŵanthu, kwakulingana ndi evangeli wangu.

Machitidu gha Ŵakutumika 26:8

Chifukwa chine chiteruzgika ndi imwe chambura magomekezgeka, chakuti Chiuta wayuska ŵakufwa?

Machitidu gha Ŵakutumika 24:21

vinu iku pa mazu ghenigha ghamoza gho ndingubongo, ndichima mukati mwawo, kuti, ‘Ine le nditeruzgika paurongo pinu pa fundu ya chiyuka cha ŵakufwa.’ ”

Machitidu gha Ŵakutumika 24:15

pakuŵa ndi chigomekezgu mwaku Chiuta, chenicho iwo nawo ŵeneko ŵalereze, kuti chiŵengepo chiyuka cha ŵarunji ndi ŵaziraurunji.

Machitidu gha Ŵakutumika 4:2

ŵakutundiya chifukwa kuti ŵasambizganga khamu, ndi ŵatauliyanga mwaku Yesu chiyuka cho chaku ŵakufwa.

Yohane 5:29

Ndipo ŵakatuwangamu; wo mbakuchita umampha ku chiyuka cha umoyo; kweni wo mbakuchita viheni kuchiyuka cha chisusa.

Luka 14:14

Ndipo uŵenge wakutumbikika; pakuti ŵalive chakuwerezgiyapo kwako: chifukwa kuwerezgekiyenge kwaku iwe mu chiyuka cha ŵarunji.”

Luka 12:50

Kweni chibatizo nde nacho kwachibatizikiyamo, ndipo uli ndifinyirizgika mpaka penipo chingafiskika;

Luka 11:38

Ndipo muFarisi yo, wanguti wawona wanguzizwa kuti wengavi kusamba danga paurongo pa mrauko.

Luka 3:16

wangwamuka Yohane, wakuŵanene wose, “Ine ndikubatizani ndi maji; kweni watuza wanthazi ndi ine, mikoŵezu ya viyatu vyaku mweniyo kuti nde wakwenere cha kufwatuwa; iyo wabatizenge imwe ndi Mzimu Wakupaturika ndi moto;

Marko 7:8

Mwaŵakureka dangu laku Chiuta, Mukoreze ukongwa mdauku wa ŵanthu.”

Marko 7:4

ndipo pakuwe ku vyamaronda, kwambura kuti asamba, kuti ŵaturgha cha; ndipo vinyake vinandi viripo vyenivyo ŵaronde kukoreze, masukidu gha vyandi ndi viŵiya ndi viyaŵi vya mkuŵa.

Mateyu 3:14

Kweni Yohane wamkaniyanga, wakuti, “Ine ndikavuka kubatizika ndi imwe, ndipo kumbi imwe mutuza kwaku ine?”

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

Machitidu gha Ŵakutumika 13:3

Sono, ŵati ŵafunga ndi kuromba ndi kuŵaŵika manja, ŵanguŵatuma.

Yesaya 26:19

Ŵakufwa ŵinu ŵakaŵanga ŵamoyo, maliŵavu ghawo ghakayukanga. Okwe mwa ŵakuja mu fuvu imwe! Yukani, mbani gha chimwemwe! Pakuti dungwi linu ndi dungwi la ukweru, ndipo charu chikatoriyanga so ku umoyo mizimu yaku wo ŵakufwa kale.