ŴaHebere 5:7 - Tonga Bible 1986

⁷ Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

ŴaHebere 5:7 Referans Kwoze

Yohane 17:1

Yesu wanguti wamara kurongoro; wangwinuskiya maso ghake kuchanya, ndi wanguti, “Ada, ora lo laza: kankhuskani Mwana winu, alinga kuti Mwana wakankhuske imwe.

Mateyu 27:46

Ndipo akhumba pa ora lachinkhonde ndi chinayi wangubongo Yesu ndi mazu ghakuru, wakuti, “Eli, Eli, lama sabakatani?” Lo lititi, “Chiuta wangu, Chiuta wangu, chifukwa chine mwandisiya?”

Marko 15:34

Ndipo pa ora lachinkhonde ndi chinayi Yesu wangubongo ndi mazu ghakuru, “Eloi, Eloi, lama sabaktani?” Ghenigho pakung'anamuwa ghatiti, “Chiuta wangu Chiuta wangu, mwandisiyanji?”

ŴaHebere 12:28

Viyo, taŵakuronde ufumu wambura kusukunika, tiŵe ndi kuwonga, mwaku wo tisope Chiuta kwakumkondweska ndi uwopa Chiuta ndi wofe:

Yohane 11:35

Yesu wanguliya.

Mateyu 27:50

Kweni Yesu wati wakambura so ndi mazu ghakuru, wangukombo mzimu wake.

Marko 15:37

Kweni Yesu wangukambura mazu ghakuru, ndipo wangumara mtima.

Sumu 22:24

Chifukwa kuti wanguyeya chingana nkhutinkha cha suzgu ya wakusuzgika; nanga nkhumubisiya chisku chake, kweni wanguvwa, po wanguliriya kwaku iyo.

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

Luka 23:46

Ndipo Yesu, wakubongo ndi mazu ghakuru, wanguti, “Ada, mu manja ghinu ndiŵika mzimu wangu!” Ndipo wanguti wanena chenichi wangumara mtima.

Sumu 69:1

Nditaskeni, A Chiuta! Chifukwa maji ghakwera ghe mukhosi.

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

ŴaHebere 13:20

Ndipo Chiuta iyo wa chimangu, mweniyo wangumyuska ku ŵakufwa Mliska yo Mura wa mberere mu ndopa za chipanganu chamuyaya, ndiyo Ambuyafwe Yesu,

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

Yesaya 49:8

Viyo atiti Ambuya, “Mu nyengo ya mwaŵi ndakwamuka iwe, mu zuŵa la utaski ndakovya ndakusunga iwe ndakupaska nge ndi phanganu ku ŵanthu kujarika charu, kugaŵa vihara vya mapopa;

ŴaLevi 2:2

Ndi kuza nawo ku ŵana ŵaku Aroni ŵazukuru wo. Ndipo iyo wakatongapo ufwa wamampha wakuzaza janja, ndi mafuta ndi vyachema vyake vyose. Mzukuru wakawochanga pa jochero kuŵa chigaŵa chake cha chikumbusku chake cha mpasku wapa moto, fungu lakukondweska Ambuya.

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

1 Yohane 4:3

ndipo mzimu wose wakureka kumzomera Yesu, kuti ngwakutuliya kwaku Chiuta cha. Ndipo mweniyo ndi mzimu wa mkanakristu yo, mweniyo mwavwapo kuti watuza; ndipo sono we mu charu kali.

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

Yohane 11:42

Ine ndaziŵanga kuti nyengo zose mutindivwa: kweni pa chifwa cha mzinda wo wama pano ndikamba, alinga kuti ŵavwane kuti imwe mukundituma.”

ŴaRoma 8:3

Cho langulu lingutondeka kuchita chifukwa kaŵiro ka unthu kenga kakutomboroka, Chiuta wanguchita. Wanguwa-yuwa ulakwi mu kaŵiro ka unthu pakutuma Mwana wake yo wanguja mu kaŵiro, kaŵiro ka munthu wakulakwa kwazachiwayuwa ulakwi.

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Sumu 88:1

Ambuya Chiuta, wa utaski wangu, msana ndi usiku ndabongore paurongo pinu.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

ŴaHebere 10:5

Ndipo viyo, Kristu wachiza mu charu, watiti, “Sembe ndi mpasku kuti mungukhumba cha, kweni liŵavu mwandirongosole;

ŴaHebere 10:10

Mu khumbu lenilo to ŵakupaturikiya mu kaperekedu ka liŵavu lo laku Yesu Kristu kamoza limu.

ŴaHebere 11:7

Ndi chivwanu Nowa, wati wachenjezgeka ndi vinthu vyo vyenga vindawoneke, kwa uwopa Chiuta wangarongoso ngaraŵa kwachitaska ŵamu nyumba yake; mwaku chenicho wanguchisuska charu, ndipo wanguŵa muhara wamu urunji wa chivwanu.