ŴaHebere 5:12 - Tonga Bible 1986

¹² Chingana pa nyengo iyi mukhumba kuŵa ŵasambizgi kweni mukavuka yumoza kukusambizgani so mitendeku ya chiyambu cha mazu ghaku Chiuta; ndipo mwaŵa ŵakukavuka mkaka, ndi chakurgha chakukhoma cha.

ŴaHebere 5:12 Referans Kwoze

ŴaHebere 6:1

Viyo pakusiya mazu ghakutendeka gho ghaku Kristu, titinthimikiye ku mfisku wo; kujarika so cha chiŵanja cha chipe cha kutuwako ku nchitu zakufwa, ndi cha chivwanu chamwaku Chiuta,

1 Petro 2:2

nge mbamjedu ŵakuwa sono, fwenkhiyani mkaka wo wamzimu wambura jufyu, alinga kuti mwaku weniwo mukuliyenge ku utaski,

ŴaHebere 5:13

Chifukwa yose wakujilera ndi mkaka ngwambura kuziŵiriya mazu gha urunji, pakuti ndi litema.

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

Sumu 34:11

Zaninga, mwa ŵana, vwani kwangu, ndikamusambizganinga kopa Ambuya.

Mateyu 17:17

Yesu wakwamuka wanguti, “Mgonezi wambura chivwanu ndi wakubende, mpaka zuŵanji nkhaŵanga namwe? Mpaka zuŵanji ndikunthiyengepo namwe? Mtoleni kuno kwaku ine.”

Yesaya 55:1

“Imwe, we yose wanyota, wazi ku maji, yose yo walivi ndrama, wazi wagule warghe! Zani, gulani vinyo ndi mukaka kwambura ndrama ndi kwambura mtengo.

Ezra 7:10

Chifukwa Ezra wanguŵikapo limu mtima wake kupenjeska dangu laku Chiuta ndi kulichita, ndi kusambizga vilangulu vyake ndi vyeruzgu vyake mwaku Yisraele.

2 Samuele 16:23

Fundu yo Ahitofele wangupereka mu mazuŵa gha yinguŵa uli nge munthu wayifumba kwaku Chiuta; viyo ndimo fundu zose zaku Ahitofele zingurumbikiya kwaku wose ŵaŵi Davidi ndi Absalomu.

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

1 ŴaKorinte 14:19

kweni ndipuuli mu mipingu mphanyi ndikamba ndi vinjeru vyangu mazu ghankhonde, viyo kuti ndisambizge ŵanyake nawo, kwakuruska mazu vikwi chumi mu karongoroledu.

ŴaRoma 3:2

Nchinandi kosekose; chakudanga na, nchakuti ghangupazgikiya iwo manenedu ghaku Chiuta.

Machitidu gha Ŵakutumika 7:38

Ndiyowenga mu mpingu wo mu bozwa pamoza ndi mungelo yo warongoronga nayo mu phiri Sinai, ndi auskefwe: yo wanguronde manenedu ghamoyo kwachipaska ifwe.

Marko 9:19

Ndipo wakuŵamuka wanguti, “A mphapu yambura chivwanu, mpaka zuŵanji nkhajanga namwe? Mpaka zuŵanji nkhakunthiyangapo namwe? Mtoleni kwaku ine.”

ŴaFilipi 3:1

Pakumariya mwa ŵabali ŵangu, kondwereni mu Mbuya. Kumlembiyani vyenivyo pe kuti kutindivuska cha, ndipo nge nkhwaku imwe nkhwakukhozga.

Yesaya 28:13

Chifukwa cho mazu gha Ambuya kwaku iwo ghakaŵanga langulu pa langulu, langulu pa langulu, mzere pa mzere, mzere pa mzere, pano kamanavi, kuwa kamanavi, kuti ŵarutenge, ndi kuwiya kuvuli, kufyoda, kurghika, ndi kutoleka.

1 ŴaKorinte 14:20

Mwa ŵabali, mungaŵanga ŵana mu vinjeru; kweni mu uheni muŵe twana; ndipo mu vinjeru ŵakukhoma.

ŴaGalatia 4:3

Viyo ifwe nafwe, tenga teche ŵamjedu, tenga ŵaŵanda pasi pa vyamtendeku vyacharu:

ŴaHebere 5:11

Ghapaku mweniyo te nagho mazu ghanandi kukamba, gho nganononu kung'anamuwa, pakuti mwaŵa ŵakudodoma kutegherezga.

ŴaHebere 10:32

Kweni mujikumbuske ndi mazuŵa ghakundanga, mwenimo, munguti mwangweuskika, mungukunthiyapo mlimbalimba ukuru wa vikomwa,