ŴaHebere 4:12 - Tonga Bible 1986

¹² Chifukwa ngamoyo mazu ghaku Chiuta, ndi ngakuchita, ndingakuthwa kwakuruska lipanga lose la uyi kosekose, ndipo ghaporota mpaka ku mugaŵiru wa umoyo ndi mzimu, ndi marunga ndi mdinthi, ndi ngapusu kuteska maghanagha nondi maknumbu gha mtima.

ŴaHebere 4:12 Referans Kwoze

Yeremiya 23:29

Kumbi mazu ghangu kuti ghakozgana ndi moto cha, kumbi kuti ghakozgana ndi nyundu yo yituswa jarawi tumanatumana cha?

Yesaya 55:11

viyo ndimu ghakaŵiyanga mazu ghakutuwa mu mlomo wangu; kuti ghakawerenga kwangu ghambura kanthu cha, kweni ghakafiskanga chinecho ndakhumba, ndi kusakata mu chinthu cho ndingughatumiyako.

ŴaEfeso 6:17

Ndipo jitoleni chivekeru chaku mutu cho mbutaski, ndi so lipanga la Mzimu, lenilo ndi mazu ghaku Chiuta.

Sumu 119:130

Kupataula kwa mazu ghinu kupaska ukweru, kupaska zeru kwaku wo mbajira.

1 Petro 1:23

pakupapika so, ku mbeu yamawoleka cha, kweni ku yiziramawoleka, mu mazu ghaku Chiuta, ghamoyo ndi ghakujaririya.

Yesaya 49:2

Anguchita mlomo wangu uli ndi lipanga lakuthwa, angundichita mu chiduzi cha janja lawo; angundichita muvwi wakunoleka, angudibisa mu phodo lawo.

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

ŴaRoma 1:16

Chifukwa kuti ndikanyara ndi evangeli wo cha: chifukwa ndi nthazi yaku Chiuta, yakutaskiya yose yo ngwakuvwana; kuti muYuda danga, ndi so ku muGriki.

Sumu 149:6

Ŵakambure ndi kubongo pakurumba Chiuta, ndi malipanga ghakuthwa mu manja ghawo,

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

ŴaEfeso 5:13

Kweni vyose vyakususkika virongoleka ndi kungwerukako, pakuti chose chakurongoleka chisanduka kungweruka.

Luka 8:11

“Kweni ntharika yo ndi iyi: Mbeu ndi mazu ghaku Chiuta.

Sumu 139:2

Imwe muziŵa chose cho ndichita, kutuliya kutali muwamo maghanaghano ghangu ghose.

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Sumu 45:3

Jimangiriye lipanga lako mu chiwunu, wa chilimbi we, mu unkhankhu ndi mu kuziza kwako!

Chivumbuzi 19:21

Ndipo ŵakujapo ŵangubayika ndi lipanga laku mweniyo wangugara pa kavalo yo, lenilo lingutuwa mu mlomo wake. Ndipo viyuni vyose vinguguta nyama zawo.

Chivumbuzi 2:16

Viyo ng'anamuka, vinu ndingaza kwako ruŵi, ndikurwana nawo ndi lipanga la mlomo wangu.

ŴaHebere 13:7

Kumbukani ŵarongozgi ŵinu, ŵeniwo ŵangukamba namwe mazu ghaku Chiuta, ghanaghanani ndi vipasi vya umoyo wawo, mwezge chivwanu chawo.

Machitidu gha Ŵakutumika 4:31

Ndipo ŵati ŵaromba, ghanguyaghayika malo mwenimo ŵanguwungana ndipo ŵanguzazika wose ndi Mzimu Wakupaturika, ndipo ŵarongoronga mazu ghaku Chiuta ndi chiganga.

Machitidu gha Ŵakutumika 2:37

Ndipo ŵachivwa, ŵanguchontheka mu mtima, ndipo ŵangunene Petro ndi ŵakutumika ŵanyake, “Mwaŵanthu mwaŵabali, tichitengenji?”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

1 ŴaTesalonika 5:23

Ndipo mweneko Chiuta wa chimangu wakuphotoni kosekose; ndipo mzimu winu ndi vinjeru vinu ndi liŵavu visungike vizirima, kwambura kalema pa chiwoneka cha Ambuyafwe Yesu Kristu.

2 ŴaKorinte 4:2

Kweni takana vyachibisibisi vyasoni, taŵakwendaendamu uchenjezi cha, pamwenga ŵakuchitiya kwafuzi ndi mazu ghaku Chiuta cha, kweni mu karongoroledu ka uneneska wakujirongo ku njuŵi za munthu yose paurongo paku Chiuta.

Nthanthi 5:4

kweni pa umari waŵaŵa uli ndi fufuzi ya mu chimuti, wakuthwa uli ndi lipanga lakuthwa kuŵi viyo.

Yakobe 1:18

Kwakuyana ndi khumbu lake wangutipapiya ndi mazu gha uneneska, kuti tiŵe ifwe mruwuku wakuti wa vilengeka vyake.

Wakutaula 12:11

Kukamba kwa wazeru kwenge ndi mivwi yakurasa, mazu ghakusankhika gho ghakuperekeka ndi mliska yumoza ghe nge ndi mzumali yakukhomeka ndi nthazi.

2 ŴaKorinte 2:17

Chifukwa kuti te nge mbanandi wo cha, ŵakukazuzga mazu ghaku Chiuta: kweni nge mbanthu ŵaneneska, ŵakupakika ndi ŵakupatulika ndi Chiuta, mu maso ghaku Chiuta, tirongorore mwaku Kristu.

Sumu 110:2

Kutuliya ku Zioni Ambuya atandawuwenge mazaza gha ufumu wako. Usa pachanya pa ŵarwani ŵako.

1 ŴaKorinte 1:24

kweni kwaku ŵeniwo ŵadanika, ŵaYuda ndi so ŵaGriki, Kristu ndi nthazi yaku Chiuta ndi zeru yaku Chiuta.

Machitidu gha Ŵakutumika 5:33

Kweni iwo pakuvwa ŵangukaripa, ndipo ŵakhumbanga kuŵabaya.

Yohane 12:48

Wakupata ine ndi wakureka kuronde makambidu ghangu, we nayo wakumweruzga: mazu gho ndarongoro, ghenagha ghakumweruzga mu zuŵa lakumariya.

Machitidu gha Ŵakutumika 7:38

Ndiyowenga mu mpingu wo mu bozwa pamoza ndi mungelo yo warongoronga nayo mu phiri Sinai, ndi auskefwe: yo wanguronde manenedu ghamoyo kwachipaska ifwe.

ŴaEfeso 5:26

alinga kuti walipatuliske, wati walitozge mu chibatizo ndi mazu,

ŴaHebere 6:5

ndi ŵangwesa nkhani yamampha yaku Chiuta, ndi so nthazi za mgonezi wo ukazanga,

Ŵeruzgi 3:16

Ehudi wangujipangiya lipanga la wuyi kosekose, utali wake lenga mkono umoza, ndipo wangulikoloŵeka pa chigha chake cha ku marghe mukati mu vivwalo vyake.