ŴaHebere 3:7 - Tonga Bible 1986

⁷ Viyo na, uli ndimo wanene Mzimu Wakupaturika, “Le asani muvwenge liu lake,

ŴaHebere 3:7 Referans Kwoze

ŴaHebere 3:15

po kweche kukambika kuti, “Le, asani muvwenge liu lake, mungangangamiskanga mitima yinu, uli ndi mu chigaruka cho.”

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Chivumbuzi 3:20

Awona, ndama pa khomu ndipo ndigong'oska: asani munthu watuvwa mazu ghangu, ndi wajura ku khomu, ndiserenge kwaku iyo, ndirghenge pamoza nayo, ndi iyo pamoza nane.

ŴaHebere 4:7

wateme so zuŵa linyake, “Le,” pakukambiya mwaku Davidi, pavuli pa nyengo yikuru yakuti, ulimdimo kwaneneke kali, “Le, asani muvwnge liu lake. Mungangangamiskanga mitima yinu.”

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Sumu 81:13

Owe ŵanthu ŵangu mphanyi ŵangundivwa, mphanyi Yisraele wangwenda mu nthowa zangu!

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Sumu 81:11

“Kweni ŵanthu ŵangu kuti ŵangutegherezga kwangu cha; Yisraele kuti wangundivwiya cha.

Yohane 10:3

Wakusunga pa khomo watimujuriyako iyo; ndipo mberere zo zituvwa liu lake wachizidana mazina mberere zapa mtima wake; ndipo watizirongozge kubwaro.

Yohane 5:25

“Nadidi ndikuneneskiyani kuti lituza ora, ndipo sono liripo penipo ŵakufwa ŵavwenge liu la Mwana waku Chiuta; ndipo wo ŵamkuvwa ŵaŵenge ŵamoyo.

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.

2 Samuele 23:2

“Mzimu wa Ambuya urongorore mwangu, mazu ghake ghepa lilimi langu.

ŴaHebere 9:8

Mzimu Wakupaturika nayo wakusimikizga chenichi, chakuti nthowa ya ku malo ghakupaturika yindarongoleke, cheche kuma chihema chakudanga oho,

Mateyu 22:43

Waŵanene, “Na, Davidi pakuzazika ndi Mzimu wamtamula uli Mbuya, wakuti,

Nthanthi 27:1

Reka kujikuzgiya la mawa, pakuti uziŵa cha mwenimo likaŵiyanga.

Machitidu gha Ŵakutumika 28:25

Ndipo pakureka iwo kuzomerezgana, ŵanguruta, Paulo wanguti waŵakambiya mazu ghamoza, “Mzimu Wakupaturika wanguŵakambiya umampha auskemwe mwaku Yesaya, Mchimi yo,

Marko 12:36

Davidi iyo wangunena pakututuzgika ndi Mzimu Wakupaturika, ‘Ambuya ŵangunene Ambuyangu, uje ku marghe ghangu, mpaka po ndaŵika ŵarwani ŵanu pasi pa marundi ghinu.’

Machitidu gha Ŵakutumika 1:16

“Mwaŵanthu mwa ŵabali, lingwenere kufiskika lembo lo, lenilo Mzimu Wakupaturika wangukambiya limu mu mlomo waku Davidi la paku Yuda, yo wenga chirongozgi kwaku wo ŵangumko Yesu.

Machitidu gha Ŵakutumika 8:29

Ndipo Mzimu wangumunene Filipu, “Uŵandike ndiumeremete ku gareta lenili.”

ŴaHebere 10:15

Ndipo watisimikizgiya Mzimu Wakupaturika nayo, pakuti pavuli pa kukamba,