ŴaHebere 3:6 - Tonga Bible 1986

⁶ kweni Kristu nge ndi mwana, pa nyumba yake; nyumba yaku mweniyo ndifwe, asani tikoreska chiganga chidu ndi chitumbwa cha chigomekezgu chidu gwa mpaka umari.

ŴaHebere 3:6 Referans Kwoze

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

1 ŴaKorinte 3:16

Asi muziŵa kuti mwe kasopi waku Chiuta, ndikuti Mzimu waku Chiuta uja mwainu?

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

ŴaHebere 10:35

Viyo mungataya cha chigomekezgu chinu, cho che nayo mphotu yikuru.

ŴaHebere 6:11

Ndipo tinweka kuti munthu yose waku imwe warongonge phamphu lenilo pe ku uzali wa chigomekezgu mpaka ku umari:

1 ŴaKorinte 6:19

Pamwenga mureka kuziŵa kumbi kuti liŵavu linu ndi kasopi wa Mzimu Wakupaturika wakuŵa mukati mwinu, yo mwe nayo kutuwa kwaku Chiuta? Ndipo kuti mwe waku mwaŵeni cha;

ŴaHebere 10:23

tikoreske chizomerezga chambura kupetere cha chigomekezgu; chifukwa ngwamagomekezgeka yo wangupangana:

ŴaHebere 4:11

Viyo tipamphuke kusere mu chipumulu chiya, alinga kuti wareke yumoza kuwiyamu chandiru chenicho pe cha mtafu.

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

Chivumbuzi 3:11

Nthuza ruŵi: koreska cho we nacho, alinga kuti paŵevi yumoza wakupoka ndumbu yako.

ŴaHebere 4:14

Viyo pakuŵa ndi Mzukuru Mura mukuru, yo waporota mu machanya, Yesu, Mwana yo waku Chiuta, tikoreske chizomerezgu chidu.

ŴaHebere 1:2

mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi.

1 Timote 3:15

kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

1 ŴaTesalonika 5:16

Kondwani nyengo zose;

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

Mateyu 24:13

Kweni wakukunthiyapo mpaka umari, mweniyo wataskikenge.

Chivumbuzi 2:25

Mbwenu, cho mwenacho, koreskani mpaka ndizenge.

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

ŴaRoma 5:2

mwaku mweniyo nayo taŵandikiyamo ndi chivwanu mu wezi uwu mwenimo tituma; ndipo titumbwiya mu chigomekezgu cha unkhankhu waku Chiuta.

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

ŴaGalatia 6:9

Ndipo tingavuka cha pakuchita cho nchamampha: chifukwa pa nyengo yake yiyo tikavunanga, pakureka kuropwa.

ŴaRoma 11:22

Alereni viyo ulemu ndi ukari waku Chiuta, ukari paku wo ŵanguwa, kweni ulemu waku Chiuta we paku iwe, asani ujaririya mu ulemu wake: vinu nawe so ungadumulikako.

Mateyu 16:18

Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

ŴaRoma 12:12

Ŵakukondwa muchigomezgu; ŵakukunthiyapo mu suzgu; ŵakufwiririyapo mu kuromba,

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

ŴaEfeso 3:12

mwaku mweniyo te ndi chiganga ndi chiŵandiku mu chigomekezgu chamuchivwanu mwaku iyo.

ŴaHebere 4:16

Viyo tiŵandike ndi chiganga ku chitengu cho cha wezi kuti tironde lisungu, ndi tisaniye wezi wakutovye mu nyengo yakwenere.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

ŴaHebere 7:19

(pakuti dangu lo lengavi kufiska kanthu), ndi chiserezga cha chigomekezgu chakuruska, mwaku chenicho tiŵandikiya kwaku Chiuta.

ŴaHebere 10:19

Viyo, mwa ŵabali, pakuŵa nacho chigomezgu chakwachisere mu malo ghakupaturika mu ndopa zaku Yesu,

ŴaHebere 10:21

ndipo pakuŵa ndi mzukuru mura pa nyumba yaku Chiuta,

ŴaHebere 11:1

Kweni chivwanu nchimbondu cha vyakugomekezgeka vyo, chirozgu cha vinthu vyambura kuwoneka.

1 Petro 4:17

Pakuti ndi nyengo yakuti cheruzgu chiyambenge pa nyumba yaku Chiuta: kweni asani chidanga paku ifwe; chiŵenge chine chigoti cha ŵakutafuliya evangeli waku chiuta?

Chivumbuzi 2:26

Ndipo yo wapunda, ndi yo wasunga nchitu zangu mpaka ku umari, kwaku iyo nkhapaskanga mtufu pa mitundu yo,

Ezekiele 46:10

Ŵachisere, karonga wakaserenga pamoza nawo; ŵachituwa, nayo wakatuwanga.