ŴaHebere 3:5 - Tonga Bible 1986

⁵ Ndipo Mosese nadi wenga wamagomekezgeka mu nyumba yake yose nge ngwakuteŵeta, kuti waŵe kaboni waku vyo vitakambikanga;

ŴaHebere 3:5 Referans Kwoze

Maŵerengedu 12:7

Kweni mteŵeti wangu Mosese kuti we viyo cha; vyose vyangu vyemu manja ghake.

ŴaHebere 3:2

yo wenga wamagomekezgeka kwaku yo wangumsankha, uli ndimo Mosese nayo waŵiyanga mu nyumba yake yose.

Chituwa 14:31

Ndipo ŵaYisraele ŵanguwona nchitu yikuru yo Ambuya anguchita pa ŵaEgipiti, ndipo ŵanthu ŵangopa Ambuya ndipo ŵanguvwana mu Ambuya ndi mu muŵanda wawo Mosese.

Sumu 105:26

Ndipo angutuma mteŵeti wawo Mosese, ndi Aroni, wo angusankha.

Machitidu gha Ŵakutumika 28:23

Ndipo ŵanguti ŵamteme zuŵa, ŵanguza kwake mu chitandara chake ŵanandi; kwaku wo wangupatauliya makani gho, wakusimikizga ufumu wo waku Chiuta, ndi wakuŵakope vyapaku Yesu, vyakutuwa ku langulu laku Mosese ndi ku ŵamchimi kwanda ku mlenji mpaka ku mazuro.

ŴaHebere 8:5

Weniwo ŵatataliya chandiru ndi chizgezge cha vyakuchanya, nge ndimo ŵangulangulikiya Mosese po wenga pafupi kuzenga hema lo: chifukwa watiti, “Alere, kuti uchite vyose uli ndi chandiru cho chingurongoleke iwe mu phiri lo.”

1 Timote 1:12

Nditumuwonga yo wangundinthaziska, Kristu Yesu Ambuyafwe, mwakuti wangundipima wamagomekezgeka, pakujiŵikiya ine mu uteŵeti;

Yoswa 1:2

“Mosese mteŵeti wangu wafwa; viyo sono usoke, wambuke, Yordane uyu, iwe ndi ŵanthu wose yaŵa, murutenge ku charu cho ndituŵapaska ŵaYisraele.

Marangu 34:5

Viyo Mosese mteŵeti wa Ambuya wangufwiya penipa mu charu chaku Moabu, kwakuyana ndi mazu gha Ambuya,

ŴaHebere 9:24

Chifukwa Kristu walive kusere mu malo ghakupaturika ghakwatika ndi ŵanthu, cho nchikozgu cha malo gheneko. Kweni wanguruta kuchanya iko, kweniko sono wawoneka paurongo paku Chiuta pa chifwa chidu:

ŴaRoma 3:21

Kweni sono pade pa chilangulu warongoleka urunji waku Chiuta, wakusimikizgika ndi chilangulu cho ndi ŵamchimi wo;

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Luka 24:44

Ndipo wanguti kwaku wo, “Agha ndi mazu ghangu ghenigho ndingurongoro namwe, ndenga ndeche pamoza namwe, ghakuti, nkhwakwenere vifiskike vinthu vyose vyakulembeke paku ine mu langulu laku Mosese, ndi mu ŵamchimi ndi mubuku la Sumu.”

Luka 24:27

Ndipo pakwandiya paku Mosese ndi paku wose ŵamchimi wo, wanguŵang'anamuliya mu malembo ghose vyo vyapaku iyo yija.

Yoswa 8:31

nge ndimo Mosese mteŵeti wa Ambuya wangulanguliya ŵaYisraele, mo ghakulembeke mu buku la marangu ghaku Mosese, “Jochero la mya yambura kusema, yeniyo munthu nanga njumoza kuti wayisemapo ndi chisulo cha”; ndipo ŵanguperekapo mipasku yakocha ku Ambuya, ndi kuperekapo sembe za chimangu.

1 ŴaKorinte 4:2

Panu so, kukhumbikwa mu ŵalindanyumba, kuti munthu wasanirike wamagomekezgeka.

Machitidu gha Ŵakutumika 7:37

Mwenuyu ndi Mosese yo wanguti ku ŵana ŵaku Yisraele, ‘Chiuta wamkukuyuskiyani mchimi wamu ŵabali ŵinu, uli ndimo Wanguyuskiya ine.’

Luka 12:42

Ndipo Mbuya wanguti, “Njani na mlinda yo wamagomekezgeka ndi wazeru, mweniyo mbuyake wamikenge pa mbumba yake kwachipaska kamba mu nyengo yakwene?

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Mateyu 24:45

“Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake?

Yoswa 8:33

Ndipo ŵaYisraele wose mlendo ndi mwenimuzi, pamoza ndi ŵaraŵara ndi zinduna ndi ŵeruzgi ŵawo ŵanguma kwakutghana ndi bokosi la phanganu la Ambuya paurongo pa ŵazukuru ŵaLevi wo ŵangupinga bokosi la phanganu la Ambuya, ŵa chigaŵa chimoza ŵenga paurongo pa phiri la Gerizimu, ŵa chigaŵa chinyake ŵenga paurongo pa phiri la Ebala, mo wangunene Mosese mteŵeti wa Ambuya pakudanga kuti ŵatumbike ŵaYisraele.

Yoswa 1:15

mpaka po Ambuya apaska chipumulu ku ŵabali ŵinu ndipo so ndi kwaku imwe, ndipo nawo so ŵaŵa nacho charu cho Ambuya Chiuta winu waŵapaska; pavuli paku cho mukawerenga ku charu cho nchinu, ndipo mwa muja mwaku cho, charu cho Mosese Mteŵeti wa Ambuya wakukupaskani kusirgha ku Yordane kumatuli gha dazi.”

Yoswa 1:7

Ukhome ŵaka ndipo uchinthi ukongwa; kuŵa wakuphwere kuchita kwakuyana ndi langulu lose lo mteŵeti wangu Mosese wangukulanguliya, ungalisiyanga kurata ku janja la marghe pamwenga la maze mwakuti uŵi ndi kusakata kwamampha ko kose ukayanga.

Marangu 3:24

‘Ambuya Chiuta, mwamba kurongonda mteŵeti winu ukuru winu ndi janja linu la nthazi, chifukwa kungaŵa chiuta munyake yani kuchanya pamwenga mu charu chapasi, yo wangaziŵa kuchita kwakulingana ndi mlimu winu, ndi kwakulingana ndi nthazi zinu?

Nehemiya 9:14

ndipo munguŵaziŵiska sabata linu lakupaturika ndi munguŵalamuliya malamulu ndi vyeruzgu ndi dangu mu mteŵeti winu Mosese.

Chituwa 40:16

Viyo ndimo wanguchitiya Mosese, kwakulingana ndi vyose vyo Ambuya angumulanguliya, viyo ndimo wanguchitiya.

ŴaHebere 1:1

Chiuta, yo mwaka wakambiyanga munthowa zinandi ndi zakupambanapambana ndi ŵaseku mu ŵamchimi,

ŴaHebere 3:4

Chifukwa nyumba yose yizengeka ndi munthu wakuti: kweni wakuzenga vyose ndi Chiuta.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!