ŴaHebere 3:16 - Tonga Bible 1986

¹⁶ Kumbi mbayani wo, ŵanguti ŵavwa ŵangugaruka? Asi ndi wose wo ŵangutuwa ku Egipiti ndi Mosese?

ŴaHebere 3:16 Referans Kwoze

Maŵerengedu 14:2

Ndipo ŵaYisraele wose ŵangudinginikiya Mosese ndi Aroni; wumba wose watinge, “Kwenga kwamampha asani tingufwiya mu Egipiti! Kwakuruska kufwiya mu mabozwa yagha!

Maŵerengedu 14:30

Palivi yumoza wakaserenga mu charu cho ndingurapa kuti mwamujamo, kweni Kalebe pe mwana waku yefune ndi Yoswa mwana waku Nuni.

Marangu 1:38

Kweni Yoswa mwana waku Nuni, mweniyo watuma pa maso pako wamuselemo, Umukhwimiske pakuti ndiyo wamuhariska charu cho ŵaYisraele.

Sumu 78:17

Kweni ndipuuli ŵangurutiliya kunangiya Chiuta, ndipo Wapachanya Limu ŵangumugarukiya mu bozwa.

Maŵerengedu 26:65

Chifukwa Ambuya angukamba vya paku iwo kuti, “Wakafwiyanga mu bozwa.” Pengavi yumoza waku wo wangujapo kweni Kalebe pe mwana waku Yefune ndi Yoswa mwana waku Nuni.

Maŵerengedu 14:38

Kweni Yoswa mwana waku Nuni ndi Kalebe mwana waku Yefune wo ŵenga ŵamoza ŵa ŵanthu wo ŵangusiyika ŵamoyo.

Maŵerengedu 14:24

Kweni mteŵeti wangu Kalebe, chifukwa wendi mzimu unyake ndipo wandilondo ine kwakufikapo, iyo nkhamutoliyanga mu charu cho wanguyamo, ndipo mphapu yake yikachiharanga.

Maŵerengedu 14:4

Ndipo ŵangukambirana yumoza ndi munyake, “Tiyeni tisankhe murongozgi tiwerenge ku Egipiti.”

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Sumu 78:40

Nkhanandi ukongwa ko ŵangumugarukiya mu bozwa; nyengo zinandi ŵangumuchitiska chitima!

Yeremiya 32:29

ŴaKaldiya wo ŵaturwa ndi msumba uwu ŵakazanga ndi kupong'a moto pa msumba uwu, kuwocha, ndi zinyumba zo pa mabagha ghake sembe za vyakusunkhizga zaperekeka kwaku Bala ndi mpasku ya vya kumwa yadirikiya ku ŵachiuta ŵanyake, kundisosomole ine ku kukwiya.

Yeremiya 44:3

chifukwa cha mautimbanizi ghenigho ŵanguchita, kundisosomole ine ku kukwiya, pakuti wanguruta kwachoche vyachema, ndi kutataliya ŵachiuta ŵanyake wo ŵengavi kuŵaziŵa, nango ndiwo nanga ndimwe, nanga mbauskemwe.

Yeremiya 44:8

Chifukwa chine mutindisosomole ku kukwiya ndi nchitu za manja ghinu, koche vyachema ŵachiuta ŵanyake mu charu cha Egipiti kweniko mwaza kuzachija, kuti mudumulikeko ndi kusanduka thembo ndi kawerere mu mitundu yose ya charu chapasi?

Yuda 1:5

Kweni ndikhumba kumkumbuskani, mwaŵakuziŵiya limu vyose, kuti Ambuya, ŵati ŵataska khamu ku Egipiti, pavuli po anguŵananga ŵambura kuvwana.