ŴaHebere 3:13 - Tonga Bible 1986

¹³ Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

ŴaHebere 3:13 Referans Kwoze

1 ŴaTesalonika 5:11

Chifukwa chenichi chiskanani, ndi zenganani, uli ndimo muchitiya.

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

1 ŴaTesalonika 4:18

Viyonthu sangaruskanani ndi mazu yegha.

ŴaRoma 7:11

Chifukwa ulakwi wo, pakutendeke mu langulu lo, ungundifuvya, ndipo mwaku lo ungundibaya.

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Yakobe 1:14

kweni munthu we yose wateseka, pakuguguzika ndi likhumbira laku yija.

ŴaEfeso 4:22

muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi;

Obadiya 1:3

Kujikuzga kwa mtima wako kwaupusika, iwe uja mu zimphanji za majarawi, wamweniwe malo ghako ghakujapo ghe pachanya, iwe mu mtima wako ukamba, “Njani wandisiskiyenge pasi pa dongo?”

Nthanthi 28:26

Mweniyo wagomekezga mu maghanoghano gha mweneko ndi mbereŵeza, kweni mweniyo watenda mu zeru wakataskikanga.

1 ŴaTesalonika 2:11

uli ndimo muziŵiya mo tinguchitiya ndi munthu yose waku imwe, mo wiske wachitiya pa ŵana ŵaku yija, kuŵeyere ndi kuchiska ndi kusimikizgiya imwe,

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

ŴaHebere 13:22

Kweni ndikuchiskani, mwa ŵabali, junthiyanipo mazu gha chichiska cho; pakuti ndakulembiyani ndi mazu ghakuŵerengeka.