ŴaHebere 3:12 - Tonga Bible 1986

¹² Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

ŴaHebere 3:12 Referans Kwoze

Yeremiya 17:5

Viyo atiti Ambuya: “Wakutembeka ndi munthu mweniyo wagomekezga mu munthu yo wasanduska liŵavu kuŵa nthazi yake, mweniyo mtima wake utuwako ku Ambuya.

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

Yeremiya 18:12

“Kweni iwo ŵatiti, ‘Palivi kanthu! Tikarondonga vyo tighanaghana taŵeni, ndipo we yose wakachitanga nge ndimo mtima wake uheni wangangamikiya.’

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

1 ŴaKorinte 10:12

Viyo yo ngwakujipima kuti watuma, wacheŵe vinu wangawa.

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

Yeremiya 11:8

Ndipuuli kuti ŵanguvwiya pamwenga kutegherezga cha; kweni yose wangwenda mu unonono wa mtima wake uheni. Chifukwa cho ndingutole paku wo mazu ghose gha phanganu ili, lenilo ndinguŵalanguliya kulichita, kweni ŵengavi kulichita.”

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

Yeremiya 16:12

Ndipo chifukwa imwe mwananga kwakuruska auskemwe, pakuti ehe, mose mwandondoloska khumbu linu linonono liheni, mukana kutegherezga kwangu.

ŴaHebere 3:10

Viyo na ndingukaraliskika nayo mphapu yeniyi, ndipo ndinguti, ‘Rutaruta ŵarandiyarandiya mu mitima yawo: kweni iwo kuti ŵanguziŵa cha nthowa zangu.’

Marko 13:33

Cheŵani, khazgani ndi rombani, chifukwa kuti muziŵa cha kufika kwa nyengo yo.

Mateyu 24:4

Ndipo Yesu wakwamuka wanguŵanene, “Chenjeni vinu yumoza wangakurandizgani.

Yeremiya 3:17

Pa nyengo yo Yerusalemu wakadanikanga chitengo cha Ambuya, ndipo mitundu yose yikawungananga kweniko, paurongo pa Ambuya mu Yerusalemu, ndipo kuti ŵakanonopiyanga kulondo so mtima wawo uheni cha.

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Nthanthi 1:32

Pakuti ŵanamana ŵabayika ndi nthowa yawo yachiwerevuli, ndipo kujikhorwa kwaŵakupusa kutuŵananga ŵeneko;

Marko 13:9

“Kweni juchenjeriyeni: chifukwa ŵakakombolenga imwe ku maupu; ndipo mukakwechulikanga mu masinagoge; ndipo paurongo pa mafumu ndi ŵakaronga mukamiyanga pa chifwa changu, uli nchisimikizgu kwaku wo.

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

Sumu 18:21

Pakuti ndasunga nthowa za Ambuya, ndipo kuti ndachita uheni kupambana ndi Chiuta wangu cha.

Jobu 22:17

Ŵanguti kwaku Chiuta, ‘Patukako kwaku ifwe,’ ndipo so, ‘Kumbi Wanthazizose wangachitanji kwaku ifwe?’

ŴaRoma 11:21

Chifukwa asani Chiuta wengavi kulekerezga mphanda zakawi, chingana ndiwe kuti wakurekerezgenge cha.

Luka 21:8

Ndipo iyo wanguti, “Thoŵani, mungarandizgika: pakuti ŵanandi ŵaziyenge mu zina langu, wakuti ‘Ndine’; ndipo ‘Nyengo yaŵandika.’ Mungarutanga cha kuvuli kwawo.

Marko 13:23

Kweni cheŵani imwe, awonani, ndakukambiyani limu vyose.

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Jobu 21:14

Ŵatiti kwaku Chiuta, ‘Tuwaniko kwaku ifwe! Kuti tikhumba zeru za nthowa zinu cha.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Yesaya 59:13

kutimbanizga, ndi kukana Ambuya, ndipo tituwako kukurondo Chiuta widu, tirongoro kuyuzga ndi chigaruka, tizuwuka utesi mu mitima, ndi kutuzga mazu gha kunyenga pa mlomo.

ŴaKolose 2:8

Thoŵani vinu munthu wangamuskowani mu zeru ndi fuzi yaŵakaŵaka, uli ndi mdauku wa ŵanthu, uli ndi vyamtendeku vya mizimu ya charu, ndipo uli nkhwakuyana ndi Kristu cha.

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

ŴaHebere 3:19

Ndipo tiwona kuti ŵanguwuravi nthazi kwachisere chifukwa chakuŵavi chivwanu.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

ŴaHebere 10:31

Nkhwakofya kuwa mu manja ghaku Chiuta wamoyo.

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.