ŴaHebere 13:7 - Tonga Bible 1986

⁷ Kumbukani ŵarongozgi ŵinu, ŵeniwo ŵangukamba namwe mazu ghaku Chiuta, ghanaghanani ndi vipasi vya umoyo wawo, mwezge chivwanu chawo.

ŴaHebere 13:7 Referans Kwoze

ŴaHebere 13:17

Vwiyani ŵarongozgi ŵinu, ndipo ŵatheriyeni: chifukwa iwo ŵalindiya pa chifwa cha mizimu yinu, uli mbeniwo ŵamkamba likonkhoska; alinga ŵalichite ndi chimwemwe, ndipo ndi kudinginika cha: chifukwa chenichi chingaŵiya imwe chambura chanduku.

ŴaFilipi 3:17

Mundezge, mwa ŵabali, ndipo ŵathoŵeni wo ŵatenda ulaka ndimo muliri ndi ifwe nge nchikozgu.

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.

1 ŴaTesalonika 1:6

Ndipo imwe munguŵa wakwezga ifwe ndi Ambuya, munguti mwaronde mazu mu suzgu yikuru, pamoza ndi chimwemwe cha Mzimu Wakupaturika;

Machitidu gha Ŵakutumika 14:23

Ndipo ŵanthu ŵanguŵatondole ŵara mu mpingu ndi mpingu, ndipo ŵanguti ŵaŵarombe ndi kufunga, ŵanguwaseserekezga ku Mbuya, mwaku mweniyo ŵanguvwaniya.

Mateyu 24:45

“Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake?

1 Timote 3:5

kweni asani munthu wareka kuziŵa kweruzga nyumba yaku yija, waphwerenge uli eklesiya laku Chiuta?

ŴaHebere 13:24

Tauzgani ŵarongaozi ŵinu wose, ndi wose ŵakupaturika wo. Wo ŵaku Italia ŵakutauzgani.

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

1 ŴaKorinte 4:16

Viyo ndikuŵeyereni, muŵi ŵakwezga ine.

ŴaRoma 10:17

Viyo chivwanu chituliya mu kuvwa, ndi kuvwa ko mu mazu ghaku Kristu.

Machitidu gha Ŵakutumika 4:31

Ndipo ŵati ŵaromba, ghanguyaghayika malo mwenimo ŵanguwungana ndipo ŵanguzazika wose ndi Mzimu Wakupaturika, ndipo ŵarongoronga mazu ghaku Chiuta ndi chiganga.

Sumu ya Zisumu 1:8

Asani ureka kuziŵa, wakutowa iwe mu ŵanthukazi, rondo mu marundi gha muskambu, ndipo liskanga twana twako twa mbuzi pafupi ndi mahema gha ŵaliska.

Chivumbuzi 6:9

Ndipo penipo wangubanuwa chizighiri chachinkhonde ndinguŵawona kusi ku jochero ŵazimu ŵaku wo ŵangubayikiya pa chifwa cha mazu chaku Chiuta, ndi pa chifwa cha chisimisimi cho ŵenga nacho;

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

2 ŴaTesalonika 3:9

Kuti nchifukwa chakuti tirive mtufu wo cha, kweni kuti tijipaske kwaku imwe nge nchiteskeru, kuti mutezge ifwe.

1 ŴaKorinte 11:1

Muŵe ŵakwezga ine mo ine nane nditezge Kristu.

Luka 12:42

Ndipo Mbuya wanguti, “Njani na mlinda yo wamagomekezgeka ndi wazeru, mweniyo mbuyake wamikenge pa mbumba yake kwachipaska kamba mu nyengo yakwene?

Luka 8:11

“Kweni ntharika yo ndi iyi: Mbeu ndi mazu ghaku Chiuta.

2 ŴaTesalonika 3:7

Chifukwa mwaŵeni muziŵa mo mutenere kutezge ifwe: pakuti tengavi utimbanizi mukati mwinu;

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

Machitidu gha Ŵakutumika 13:46

Kweni Paulo ndi Barnaba ŵangugangiya, kuti “Kungwenere kuti mazu ghaku Chiuta ghakambike danga kwaku imwe. Kweni imwe mutighapata ndipo mujesa ŵambura kwenere umoyo wo wamuyaya, awonani, ting'anamukiya ku Mitundu yo.

Luka 5:1

Ndipo kunguŵa, uchinyekezgana pake mzinda wo kwachivwapo mazu ghaku Chiuta, mweneko nayo wamanga mu mphepete mu nyanja ya Genesarete;

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.