ŴaHebere 13:6 - Tonga Bible 1986

⁶ Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

ŴaHebere 13:6 Referans Kwoze

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Sumu 124:8

Chovyo chidu Chituliya ku Ambuya, wo akwata kuchanya ndi charu chapasi.

ŴaHebere 4:16

Viyo tiŵandike ndi chiganga ku chitengu cho cha wezi kuti tironde lisungu, ndi tisaniye wezi wakutovye mu nyengo yakwenere.

Sumu 56:4

Mwaku Chiuta, mweniyo ndirumba mazu ghake, mwaku Chiuta ndigomekezga kwambura kopa. Wangachitanji nane munthu?

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Sumu 54:4

Ehe, Chiuta ndi movya wangu; Ambuya ndi muvikiriya wa umoyo wangu.

Sumu 33:20

Mzimu widu ulindizga Ambuya; movya widu ndi nguru yidu.

Sumu 63:7

pakuti mwaŵa movya wangu, ndipo mu chiduzi cha mapapiku ghinu ndikoŵera ndi kukondwa

Sumu 94:17

Asani Ambuya awulengevi kundovya, mphanyi ruŵi ndarutanga ku charu cha chisisi.

Sumu 40:17

Kweni nge ndine, nde mukavu ndi musauchi; kweni ndipuuli Ambuya atindikumbuka. Imwe ndimwe chovyo changu ndi mtaski wangu; A Chiuta wangu, mungasweranga!

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

ŴaEfeso 3:12

mwaku mweniyo te ndi chiganga ndi chiŵandiku mu chigomekezgu chamuchivwanu mwaku iyo.

Marangu 33:29

Wakukondwa ndiwe Yisraele we! Ndiyani yo wenge ndiwe? Mwa ŵanthu ŵakutaskika ndi Ambuya. Iwo ndi nguru ya chovyo chinu, ndi lupanga la upundi winu! Ŵamawongo ŵinu ŵakazanga kunyengere imwe; ndipo mukaphwatanga pa malo ghawo ghakusopiyapo.”

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Sumu 27:9

Mungabisanga kwaku ine chisku chinu. Rekani kudikiya kutali mteŵeti winu mwaukari, imwe munguŵa chovyo changu. Mungandisiyanga kutali, rekani kundisiya, A! Chiuta wachipozomosko changu!

Sumu 146:3

Rekani kugomekezga mu ŵarongozgi ŵa ŵanthu, pamwenga mu mwana wa munthu yo mwake mulivi chovyo.

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.

Chituwa 18:4

ndi zina la munyake, Eliezara (pakuti wanguti, “Chiuta wa ada wenga chovyo changu, ndipo wangundipozomaska ku janja laku Farao.”)

ŴaHebere 10:19

Viyo, mwa ŵabali, pakuŵa nacho chigomezgu chakwachisere mu malo ghakupaturika mu ndopa zaku Yesu,

1 Samuele 23:17

Wangunena nayo, “Ungopanga; chifukwa janja la ada a Sauli kuti likusaniyenge cha; ukaŵanga karonga pa ŵaYisraele; ndipo ndikaŵanga pafupi nawe; ada nawo a Sauli ŵaziŵa ichi.”

1 ŴaKaronga 17:8

Sono mazu gha Ambuya ghanguza kwaku iyo,