ŴaHebere 13:4 - Tonga Bible 1986

⁴ Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

ŴaHebere 13:4 Referans Kwoze

Chiyambo 2:24

Chifukwa chenichi munthurumi wasiya awiske ndi anyina ndi watijibatika ku muwoli wake, ndipo ŵatuŵa nyama yimoza.

ŴaGalatia 5:19

Ndipo milimu ya liŵavu njakuwoneka, yeniyo mbureŵi,

ŴaGalatia 5:21

zimbembi, mapambuku, viŵinu, mauloŵevu, vindimba, ndi vyakulingana navyo: kuchiri kwaku vyenivyo ndikuchenjezgiyani limu, nge ndimo ndingumuneniyani kali, kuti wakuchita vyaviyo kuti waherenge ufumu waku Chiuta cha.

1 ŴaKorinte 6:9

Pamwenga asi muziŵa kuti ŵaziraurunji kuti ŵakaharanga ufumu waku Chiuta cha? Mungarandizgika cha: ŵareŵi, chingana mbakusopangoza, chingana mbarowozi, chingana mbauyaya, chingana mbakura ndi ŵanthurumi,

1 ŴaKorinte 5:13

Wakubwaro ndi Chiuta yo waweruzgenge? “Msezgeni mtimbanizi yo mukati mwinu.”

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

1 Timote 3:12

Ŵateŵeti ŵakaŵanga ŵarumi ŵa munthukazi yumoza, ŵakweruzga kweneko ŵana ndi nyumba zaku ŵija.

1 Timote 3:4

wakweruzga umampha nyumba yaku yija, wakuŵa nawo ŵana mu chithera ndi uziza wose;

1 ŴaKorinte 7:38

Viyonthu yo watonge mbeta yake wachita umampha; ndipo yo wareka kuyito wachitenge umampha kwakuruska.

Chiyambo 2:21

Viyo Ambuya Chiuta wanguchita tulu tukuru kuŵa pa munthu yo, ndipo penipo weche kura wanguto yimoza ya mbaghara zake ndipo pa malo pake wangujarapo ndi nyama;

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Tito 1:6

asani munthu ngwambura masumulika, mrumi wa munthukazi yumoza, wakuŵa ndi ŵana ŵakuvwana, oŵakusumulika utayisi pamwenga uzira uthera cha.

1 Timote 5:14

Viyo na ndikhumba vimanako kuŵirwa so, kupapa ŵana, kuruliska nyumba, kupaska nyengo cha ku ŵamawongu yaku titukiya:

1 Timote 4:3

ndi mbakukanizga kutorana, ndi mbakulanguliya kufunga ku vyakurgha, vyenivyo Chiuta wangwatiya kurondeka kwakuwonga ndi ŵakuvwana ndi ŵakuziŵiska uneneska wo.

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

1 ŴaKorinte 9:5

Kumbi tirive mtufu wakwende marwendo ndi muwoli wakuvwana, nge mbakutumika ŵakujapo, ndi ŵahurwa ŵa Ambuya, ndi Kefa?

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

1 Timote 3:2

Viyo kutenere mura kuŵa wambura kalema mrumi wa munthukazi yumoza, mkanavinyo, wakujitintha, mkongorekwa, mwanja ŵalendo, warwana kusambizga;

Yesaya 8:3

Ndipo ndinguruta ku mchimi munthukazi, ndipo iyo wanguzuuka ndi wangupapa mwana munthurumi. Sono Ambuya anguti kwangu, “Udane zina lake Maherashalala-hashibazi;

2 ŴaKaronga 22:14

Viyo Hilkiya, Ahikamu, Akiboru, Shafani, ndi Asaya ŵanguruta kwaku Hulda mchimi munthukazi, muwoli waku Shalumu mwana waku Tihava mwana waku Harhasi, wakusunga vyakuvwara (panyengo iyi wajanga mu Yerusalemu mu chigaŵa cha chiŵi); ndipo ŵangurongoronayo.

ŴaHebere 12:16

vinu wangaŵapo mureŵi yumoza, pamwenga wawaka ngendi Esau, mweniyo pa mtanda umoza wa chakurgha wanguguriska ura wake.

ŴaLevi 18:20

Ndipo kuti mukalanga ndi muwoli wa mwanasi winu cha, kujifipiska mwaku iyo.

Marangu 22:22

“Asani munthu wasanirika wachila ndi muwoli wa munthu munyake, wose ŵaŵi ŵakafwanga, munthurumi yo wangula ndi munthukazi, ndi munthukazi viyo. Viyo mukapeyanga uheni mwaku Yisraele.

1 ŴaKorinte 6:18

Uthaŵeni ureŵi wo, chakulakwa chose cho wangachita munthu che kubwaro ku liŵavu; kweni yo ngwakureŵa walakwiya liŵavu laku yija.

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.

ŴaLevi 15:18

Nanga ndi munthukazi yo wagona ndi munthurumi wakukoza upafi, wose ŵaŵi ŵasambe mu maji, ndipo ŵaŵange ŵakukazuzgika mpaka mazulo.

Jobu 31:12

uwu ndi moto wakunyeka mpaka ku pharghaniko, ndipo uwochenge mbeu zangu ndi misisi yake viyo.